اوتگن چهارشنبه کون کیچ قورون امیریکهنینگ میسیسیپی، تنسی و آرکانسان ایالتلریده یوزبیرگن خطرلی بُوران نتیجهسیده 7 کیشی هلاک، ایکی کیشی درکسیز و اونلرچه کیشی تن جراحت آلگن.
اوشبو قربانلیکلردن بیری میسیسیپی ایالتینینگ یشاوچیسی بیر 7 یاشر باله دیر کیم، بُوران او بیلن عایله اعضاسی مینگن موترنی ییقیتگن. شونینگدیک مسؤول رسمیلرگه کوره، آرکانساده بیر 18 یاشر قیز و تنسی ایالتیده بیر جُفت اویلری ییقیلیب توشگنی باعث جان بیرگنلر.
حاضرگه قدر ایکی کیشی ییقیلیب توشگن اویلر آستیده یوقالگن و باشقه 40 کیشی یرهلنگن.
اوشبو طبیعی واقعهنینگ مالی زیانلری خصوصیده معلومات قولگه کیریتیلمهگن؛ بیراق گزارشلرگه کوره، ایسلنگن بُوران کمیده 40 اوینی بوزیب و شونینگدیک، ایالتی قتناو یوللر و خیابانلر باردی و کیلدیسینی قیینچیلیککه روپهره قیلگن.
میلادی 2014- ییل جون آییدن کیین، بو بیرینچی مرته کیم، هوا تانیش رسمی تشکیلاتلری اوشبو بُوراننی خطرلی دیگنلر.
اوشبو بُوران شوندهی حالده یوز بیرهدی کیم، امیریکهلیکلردن کوپینچهسی ینگی میلادی ییل باشلهنیش تعطیلاتلرینی اوتکزیش اوچون مذکور مملکت جنوبی ییلیق ایالتلریگه بارهدی. بونگه قوشیمچه، کیچیک زینتی اسکونهلر و سفر جریانیده ایش آلینهدیگن تفریحی خیمهلر بوندهی بُورانلر برابریده مقاومت قیلهآلمهیدی و بُوران چاغیده اولردن هر بیری اوقدیک بولهدی.
ایتیلیشیچه بُوران خطری حاضرگچه بوتونلهی یکونلنمهگن و 3.7 میلیوندن آرتیق جمعیتلی تنسی، میسیسیپی، آرکانسا ایالتلری و ایلینوینینگ بیر قسمتینی تهدید قیلهدی.
