پاکستان امنیتی رسمیلرینینگ ایتیشیچه، مملکت کراچی شهرینینگ صفوراگوت منطقه سیده بیر یوللاوچی بس موتریگه اویوشتیریلگن هجوم نتیجه سیده، کمیده 43 کیشی هلاک بولگن و باشقه 20 کیشی تن جراحت آلگن.
پاکستان امنیتی رسمیلرینینگ ایتیشیچه، هلاک بولگنلر ایچیده 27 ایرکک و 16 عیال و باله موجود.
آتی توتیلینیشینی ایستمهگن بیر امنیتی منبعنینگ میدیالرگه ایتیشیچه، بوگون ایرتهلب ساعت 10 ده اوچ موترسایکلگه مینگن آلتی کیشی واسطه سی بیلن عملگه آشیریلگن.
منبعنینگ ایتیشیچه، هجوم چیلر بس موترینی توختهتیب، بیرینچیدن هیداوچینی آتکنلر، اوندن کیین بس ایچیگه کیریب باشقه لرنی اوققه توتکن.
سند ایالتی والیسی قایمعلی شاه و پاکستان باش وزیری نوازشریف، مذکور واقعهنی قتیق بیلن قارهلب، بو واقعه تیکشیریلیشی خصوصیده بویروق بیرگنلر.
مذکور واقعه یوزبیرگنیدن کیین، قایمعلی شاه، منطقه پولیس قومندانینی وظیفه دن آلدی.
بو بسگه کمیده 60 یوللاوچی بار ایکن، بولرنی برچه سی اسماعیلیه مذهبی طرفداری ایکنلر.
اویوشتیریلگن هجوم اوچ موترسایکلگه مینگن آلتی کیشی آرقهلی عملگه آشگن.
کراچی شهریده سنی مذهبیدن تشقری بولگن مسلمانلر اوچون بو بیرینچی هجوم ایمس. شونینگدیک ایکی آی آلدین مذکور شهرده شیعه مذهبلر مسجدیگه پارتلاو هجومی اویوشتیریلیش نتیجه سیده 60 کیشی هلاک بولیب، اونلرچه کیشی یره لنگن ایدی.
شونینگدیک شهردهگی سیاسی و مدنی قوریلمهلر مذکور شهر حربیلریدن ناقانونی قوراللی شخصلرنی نابود ایتیش اوچون حرکت قیلیشینی سورهگنلر.
اوچ آی آلدین پاکستان حربی سی مذکور شهردن ناقانونی قوراللی شخصلر پاکلش اوچون عملیات یولگه قویگن ایدی، نتیجهده پاکستاننینگ مهاجر حزبیگه تیگیشلی بیرقطار کیشیلر توتقونگه آلینگن.
مهاجر حزبی باشلیغی الطاف حسین، بو عملیات کراچی ده یشهیدیگن هندی مهاجرلرگه قرشی یولگه قویگنلر وبو حزبگه تیگیشلی شخصلرنی توتقونگه آلگنلر.
شونینگدیک افغانستان جمهور رییسی اشرف غنینینگ، اوتکن کون پاکستان باش وزیری نوازشریف گه ایتیشیچه، ترورچینی یخشی و یمانی بولمه یدی، اولر برابریده جدی صورتده کوره شیش لازم
