اوتگن کون (پنجشنبه) کیچ قورون، قوراللی بیرهجومچی بیر بار تاشیووچی موتر بیلن فرانسه جنوبیده جایلشگن نیس شهری دینگیز بوییدهگی پیادهلرنی باسگن، نتیجهده 84 کیشی هلاک و 100 دن آرتیق کیشی یرهلنگن.
فرانسه میدیاسی گزارشیده اوشبو مملکت پولیسینینگ ایتیشیچه، مذکور موتردن قولگه کیریتیلگن کاغذگه کوره، فرانسه فقراسی تونستبار بیر 31 یاشر کیشی بو هجومنی عملگه آشیرگن. هجومچینینگ توغریسیده حاضرگچه آرتیقچه معلومات بیریلمهگن.
ایسلنگن موتر هیداوچیسی، جمعیتنی باستیرگن بیرچاغده، پولیس کوچلری و اهالی اوستیگه اوق آتگن و اوزی پولیس تامانیدن آتیلگن اوق نتیجهسیده هلاک بولگن.
فرانسه جمهور رییسی فرانسوا اولاند نطق سوزلهگن چاغیده، بو واقعه ترورچیلیک دیب اورغولشیچه، هیچ بیر حرکت ترورچیلرگه قرشی کورهش ارادهسینی کوچسیزلنتیرمهیدی و پاریس ترورچیلرگه قرشی کورهش هجومینی کوپهیتیرهدی.
فرانسهنینگ جمهور رییسی، بو واقعهدن کیین، اوشبو مملکتدهگی شاشیلینچ وضعیتنی ینه اوچ آی کوپهیتیردی. فرانسهدهگی شاشیلینچ وضعیت، میلادی 2015- ییل نوامبر آییده مذکور مملکتده یوزبیرگن ترورچیلیک هجومدن کیین، برقرار قیلیندی و بو هجومده 130 کیشی هلاک بولگن ایدی.
اوشبو واقعه مسؤولیتینی حاضرگچه هیچ بیر گروه بوینیگه آلمهگن.
