جمهور رییس غنی اسلامی مملکت‌لر ییغینی‌ده اقش‌نینگ جمهور رییسی دونالد ترامپ بیلن اوچره‌شدی.
حکومت نینگ رسانه‌لر بوییچه مرکزی خبرنامه ترقه تیب، یک‌شنبه کونی افغانستان جمهور رییسی محمداشرف غنی اقش‌نینگ جمهور رییسی دونالد ترامپ بیلن سعودیه عربستان باشکینتی ریاضده اوچره‌شگن دیب یازگن. خبرنامه‌ده کیلیشیچه، ایکی تامان افغانستان، منطقه و دنیا اوچون مهم مساله‌لر باره‌سیده سوزلشگنلر.
اوچره‌شوده، ترامپ افغانستان حکومتیدن ترورچی‌لرگه قرشی کوره‌ش و اداره‌لرده اصلاحات کیلتیریش باره‌سیده اوز حمایتینی بیلدیرگن.
جمهورلیک سرایی مطبوعات سرپرستی شاه‌حسین مرتضوی نینگ سلام‌وطندارگه ایتیشیچه، امریکه قوشمه ایالتی‌نینگ جمهور رییسی، افغانستان حکومتی‌نی عصیانچی گروه و طالبلرگه قرشی کوره‌ش و امنیتی نهادلرنی کوچلنتیریش ایشلرینی خوش قرشیله‌گن.
مرتضویگه کوره، جمهور رییس اوشبو ییغینده باشقه اسلامی مملکت‌لر قوشیمچه دنیا رهبرلری بیلن اوچره‌شگن.
اسلامی مملکت‌لر باشلیغ‌لری شنبه و یک‌شنبه کونلری ریاضده ییغین اوتکزدیلر. اسلامی مملکت‌لر و اقش‌نینگ بو ییغینده دنیا بویلب تروریزیم و خشونتلرگه قرشی جدی کوره‌ش باره‌سیده ایدی اوچره‌شوو آلیب اوتکزدیلر.
