آمریکا جمهور باشلیغی دونالد ترامپ، افغانستانده تینچ اهالینی اولدیریشگه عیبلنگن آمریکالیک عسکرلردن بولمیش کلینت لورنس و متیو گولستین نی کیچیرگن.
آق سرای تامانیدن ترقهتیلگن خبرنامهده ایتیلیشیچه، جناب ترامپ جمعه کونی اوشبو ایکی عسکرنینگ کیچیریلیش فرمانینی امضا قیلگن.
کلنت لورنس 2013- ییلده قندهار ولایتیده موتر سایکلگه بولگن تینچ اهالیگه قرشی اوق آتیش امرینی بیرگن ایدی. او محکمهگه عیبدار تانیلیب و 19 ییل حبسگه محکوم بولگن ایدی.
میتیو گولستین هم افغانستانده بیر تینچ اهالینی اولدیرگنی باعث، محکمهگه تانیتیلگن ایدی و کیلهجک ییل محکمه ایتیلیشی اوچون قرار قیلینگن ایدی.
آمریکا جمهور باشلیغی دونالد ترامپ جاری میلادی ییل می آیده افغانستانده اوروش جنایتلریگه عیبلنگن حربیلرنی کیچیریلیشینی اعلان قیلگن ایدی.
