آمریکا جمهور رئیسی دونالد ترامپ اوتگن کونی شام چاغیده آعلان ایتیلمه‌گن بیر سفر آرقه‌لی، کابل‌گه کیلدی.
جناب ترامپ، بگرام قرارگاهیده افغانستان جمهور رئیسی محمداشرف غنی بیلن اوچره‌شگن.
اوشبو اوچره‌شووده ایکی مملکت جمهور رئیسی نینگ تاکید قیلیشیچه، طالبان گروهی تینچلیک خصوصیده کیلیشووده تعهدلی بولگن حالده، آتیش‌کیسین‌نی قبول قیلیشی کیره‌ک.
جمهورلیک ریاستی نینگ بیر خبرنامه آرقه‌لی ایتیشیچه، اوشبو اوچره‌شووده جناب ترامپ افغانستان امنیتی و دفاعی کوچلری نینگ تروریسم‌گه قرشی حرکت‌لریدن ستایش قیلیب و داعش گروهی نینگ شرقی‌ده شکست بیلن دوچ کیلگنی‌نی افغانستان جمهور رئیسی‌گه تبریک‌لگن.
خبرنامه‌ده کوپه‌یتیریلیشیچه، ایکی مملکت جمهور رئیس‌لری اوچره‌شگنلریدن سونگ، بگرام قرارگاهیده بولگن آمریکالیک عسکرلری آره‌سیده حضور تاپیب اوشبو کوچلر و افغانستان امنیتی کوچلری نینگ فداکارلیک‌لریدن ستایش قیلگن‌لر.
جناب ترامپ نینگ بگرام قرارگاهیده صحبت قیلیب ایتیشیچه، آمریکا نینگ افغانستانده‌گی حربی‌لری «قصدا» کمه‌یتیریله‌دی. بیراق، او افغانستانده قاله‌دیگن آمریکالیک عسکرلرنینگ رقمی خصوصیده صحبت قیلمه‌گن.
اونینگ کوپه‌یتیریشیچه، طالبان گروهی بیلن کیلیشوونی ایسته‌گن، بیراق آمریکالیک عسکرلریدن بیری اولر تامانیدن اولدیریلگنی سبب، تینچلیک سوزلشوولر توخته‌تیلگن.
آمریکا جمهور رییسی نینگ ایتیشیچه، سونگی 6 آی جریانیده تینچلیک سوزلشوولر قطار یوتوقلرگه قول تاپگن و طالبان گروهی هم آتیش‌کیسین ایسته‌یدی.
جناب ترامت نینگ افغانستان‌گه سفر قیلمه‌سیدن نیچه ساعت آلدین، آمریکا اردوسی نینگ باش قومندانی جنرال مارک مایلی، طالبان گروهی بیلن احتمالی کیلیشوونامه امضا ایتیلیشی ممکن‌لیگیدن خبر بیرگن ایدی.
ایتیلیشیچه، بو بیرینچی مرته که آمریکا جمهور باشلیغی دونالد ترامپ افغانستان‌گه سفر قیله‌دی.
شوتوغریده…
