سونگی کونلرده تخار ولایتی‌نینگ بهارک تومنیده، امنیتی کوچلر و طالبان آره‌سیده یوزبیرگن آتیشمه‌لر نتیجه‌سیده، یوزلرچه عایله بدرغه بولگن.
طالبان 5 کوندن بویان تخار ولایتی مرکزی نینگ نیچه کیلومترلیگیده جایله‌شیب و بهارک تومنی نینگ ایریم بولیمی نی نظارت گه آلیب و اوزلرینی تومن بناسی و پولیس قومندانلیگی نینگ یقینلیگی‌ده ییتیشتیرگنلر.
شونینگدیک قوشمه امنیتی کوچلر اوشبو تومن نینگ مرکزیده جایله‌شیب و نیچه کوندن بویان بهارک تومنیده امنیتی کوچلر و طالبان گروهی آره‌سیده آتیشمه‌لر دوام ایتیب کیلماقده و امنیتی کوچلر ییر و هوا آرقلی طالبلرنینگ نشان آستیده آله‌دیلر.
مذکور آتیشمه‌لر باعث بهارک تومنی نینگ 20 دن آرتیق قیشلاقی نی یشاوچیسی اوی و جایلرینی ترک قیلیب تخار مرکزی تالقان شهریده کیلگنلر.
بدرغه بولگن کیشی‌لرنینگ ایتیشلریچه، اویلری راکت اوقی آستیده تخریب بولیب و اولر اوچون حیات قیین بولگن و شو یوزه‌دن اویلرینی ترک قیلیش گه مجبور بولگنلر.
اوشبو بدرغه بولگن‌لردن محمد مقیم و عبدالبشیرنینگ سلام‌وطندارگه ایتیشیچه، اهالی قیشلاقلرینی ترک قیلیب و طالبان جنگریلری اهالی نینگ اویی‌دن سنگر صفتیده فایده‌لنه‌دی.
اوشبو بدرغه‌لرگه کوره، تخار محلی حکومتی حاضرگچه اولرگه هیچ قندی یارم بیرمه‌گن و کوپینچه‌لری آچیق فضاگه حیات کیچریب کیلماقده.
شو توغریده:
فاریاب ولایتیده ناتینچلیک باعث، 4000 عایله بدرغه بولگن
اوروش و ناتینچلیک؛ تخارده اونلرچه بدرغه تیز یاردم گه احتیاج دیر
تخار ولایتی بهارک تومنینینگ یوزلرچه یشاوچیسی ناتینچلیکلر باعث بدرغه بولگنلر
تخار ولایتی کینگشی منشی‌سی محمدافضلی حکومت نینگ توجه‌سیزلیگی‌دن تنیقید قیلیب ایتیشیچه، بهارک تومنی نینگ 60 فایز ییری طالبلرنینگ نظارتی گه دیر و محل یشاوچیلری امنیتی کوچلرنینگ بویروغی اساسیده، اویلرینی ترک قیلگنلر.
تخار مهاجرلری باشلیغی یاسین لبیب نینگ ایتیشیچه، بدرغه‌لر رقمی یوقاری کیتماقده، بیراق اولر بدرغه‌لردن بیللی رقم قولگه کیلتیرمه‌گنلر.
اونگه کوره، اولر تالقان شهری نینگ 20 کیلومترلیگیده جایلشگن رباط دشتی‌ده مهاجرلر کمپی نی قورگنلر، بیراق بدرغه‌لر یول اوزاقلیگی باعث مذکور منطقه‌ده بارمه‌یدیلر.
بیر هفته‌دن طالبلر تخار ولایتی نینگ خواجه‌غار، بهارک، اشکمش، نمک‌آب و چاه‌آب تومنیده هجوم‌لرینی کوپه‌یتیرگن و سونگی بیر هفته‌ده‌گی آتیشمه‌لرده مینگ‌لرچه کیشی اوشبو تومندن بدرغه بولگن.
