تخار محلی رسمیلریدن بیری نینگ ایتیشیچه، بو ولایتده عملیات اوتکزه‌دیگن امنیتی کوچلرگه نظامی جهازلر ییتمه‌گنلیگی اوچون اوروش توخته‌تیلگن.
بو محلی دولت رسمیسی اوزینی تانیتیلیشینی ایسته مگن حالده، بوگون یکشنبه ایرته‌لب امنیتی کوچلر عملیاتی توخته‌تیلگن‌لیگینی تیلگه آلدی.
جنگری طالب‌لرنی نابود ایتیلیشی اوچون تورت کون آلدین خواجه‌غار تومنی نینگ اورسچ منطقه‌سیده اوتمیش اوچ کون مابینیده طالب‌لر قولیده بولگن منطقه‌لردن کوپیسی امنیتی کوچلر قولیگه توشگن ایدی. مذکور عملیات بوتون تومننی طالب‌لردن پاک بوگونیگه قدر دوام تاپیشی ایتیلردی.
تخار ولایتی کینگش عضوی محمدحسین حنیف نینگ سلام‌وطندارگه ایتیشیچه، طالب‌لر فرصتدن فایده‌لنیب اوزلرینی ینه بیر بار اوروشگه تیار قیله‌دیلر.
ولایت اهالیسی طالب‌لرگه قرشی بولیب کیله‌دیگن عملیات تاخته تیلیشینی باره‌سیده خواطرده‌لر و حکومتدن اوشبو عملیات قیته‌دن باشله نیشینی سوره‌گنلر. اولرهم طالب‌لر بو بوشلیقدن استفاده قیلیب اوزلرینی کوچلنتیره‌دی دیدیلر.
اما تخار پولیس سوزلاوچیسی خلیل اسیر نینگ سلام‌وطندارگه ایتیشیچه، امنیتی کوچلر عملیاتی توخته تییلمه‌گن و بو تومنده‌گی طالب‌لر پاک بولگونیگه قدر دوام ایته‌دی.
ایتیلیشیچه، شوحاضر طالب‌لرنینگ درقد تومنی قوشیمچه بو ولایت ایریم ییرلریده هم فعالیت قیلیب کیلماقده‌لر.
شو ییل باشله‌نیشی بیلن طالب‌لر کوتیلمه‌گن حالده اولکه شمالیده هجوم‌لرینی شدت بیردی. بدخشان، قندوز و فاریاب جنگری طالب‌لر اونلرچه هجومی‌گه شاهد بولگن ولایت‌لردن دیر.
