تخار ولایتی‌نینگ دشت‌قلعه تومنی اوستیگه طالب‌لر تامانیدن اویوشتیریلگن هجوم نتیجه‌سیده، مذکور تومن بو گروه‌نین قولی‌گه سقوط قیلدی.
تخار حاکمی سوزلاوچیسی سنت‌الله تیمورنینگ ایتیشیچه، دشت‌قلعه تومنی‌نینگ بِناسی و خوفسیزلیک قومندانلیگی قوراللی طالب‌لرنینگ نظارتی گه اوتگن. اونگه کوره، قوراللی طالب‌لر دشت‌قلعه‌نینگ خوفسیزلیک مدیرلیگی بِناسینی اوتگه یاندیرگن.
شونینگدیک، تخار پولیس قومندانلیگی سوزلاوچیسی خلیل اسیر، تومن بِناسی طالب‌لرنینگ نظارتی گه اوتگنینی تصدیق‌لیدی. اونینگ ایتیشیچه، حاضر تومن دن تشقری اطرافده قتیق آتیشمه دوام ایتماقده.
جناب اسیرگه کوره، امنیتی کوچلر و طالب‌لرنینگ آره‌سیده یوز بیرگن آتیشمه نتیجه‌سیده، حاضرگچه امنیتی کوچلردن 5 ته‌سی هلاک و 3 ته‌سی یره‌لنگن. شونینگدیک، مردمی کوچلردن 10 ته‌سی طالب‌لر تامانیدن توتقونگه آلینگن و 8 طالب هم هلاک ایتیلگن.
اوشبو تومندن حاضرگچه اونلرچه عایله قوشنی منطقه‌لرگه بدرغه بولگن.
بوندن آلدین، تخار اهالیسی منطقه گه کوپراق کوچ یوباریلمه‌گن صورتده، دشت‌قلعه تومنی سقوط قیلیشی توغریسیده آگاه‌لنتیرگن ایدی.
