تخار ولایتی اشکمش تومنی‌نینگ یشاوچی‌سی بولمیش گل‌افروز بوندن بیش کون آلدین تورموش اورتاغی همده اونینگ یقین‌لری تامانیدن قتیق کلتک‌لنگنلیگی باعث بچه تشله‌گن.
ییلکه‌سی، قولی، یوزی همده کوکسی‌ده کلتک‌لش‌نینگ ایزی کورینیب تورگن بو خات‌نینگ حکایه‌سیگه کوره، تورموش اورتاغی‌نینگ سینگلیسی اویدن قاچگن بیر پیت‌ده؛ تورموش اورتاغی، اونینگ آنه‌سی همده سینگلیسی تامانیدن قتیق کیلتک‌لنگن. گل‌افروز تورموش اورتاغی‌نینگ خانه‌دانی واقعه‌ده بونینگ قولی بارلیگینی گمان قیلگن‌لر.
گل افروزگه کوره، بیرینچی‌دن تورموش اورتاغی تامانیدن قتیق کلتکلب، سونگ آنه‌سی همده سینگلیسی آلدیگه آلیب باریب، ارقان‌گه باغلب اولر بیلن بیرگه لیک‌ده ینه کلتک‌له‌گن. جبر کورگن بو خانیم، حددن تشقری کلتکلنگنی سبب اوزیدن کیتگن و اوزیگه کیلیشی بیلن یوز و تیره‌سی قانگه باتگن لیگینی سیزگن.
حاضر قندوز ولایتی‌نینگ حوزه‌وی ساغلیق‌نی سقلش مرکزیده دوالنه دیگن گل‌افروزنینگ ایتیشیچه، تورموش اورتاغی همده اونینگ یقین‌لری تامانیدن کیلتکلگن‌دن کیین ساچی هم قیچی بیلن قیرقیب تشلنگن.
قندوز ساغلیق‌نی سقلش مرکزی‌نینگ باشلیغی نعیم‌منگل، اجمتاعی ترماقلرده مذکور خاتین‌نینگ جنسی اعضاسی کیسیلگن لیگی توغریسی‌ده ترقه‌تیلگن میش – میش لرنی رد قیلیب ایتیشیچه، گل افروز قتیق کلتنک لنگ‌دن کیین اوشبو شفاخانه‌گه آلیب کیلینگن، اونینگ عمومی وضعیتی هی یخشی.
اجتماعی ترماق‌لرده‌گی میش – میش گل‌افروز همده آنه‌سی تامانیدن رد ایتیلگن. اما، ایکّی‌سی هم واقعه عامل‌لری قولگه آلینیب جزاله‌نیشی‌نی سوره گن‌لر.
تخار پولیس قوماندانلیگی‌نینگ سوزلاوچی‌سی خلیل‌اسیر، حادثه عامل‌لری قاچیش‌گه موفق بوگن‌لر، اولر قولگه آلینیشی اوچون تیرگاو باشلنگن دیدی.
23یاشر گل افروز بوندن 10ییل آلدین تورموش‌گه چیققن هلی او تورت باله‌نینگ آنه‌سی.
