تخار ولایتی خواجه‌غار تومنی یشاوچیلری نینگ ایتیش‌لریچه، اوتگن کیچه ساعت 8 اطرافیده طالبان گروهی مذکور تومن نینگ پولیس قومندانی محمداسحاق نینگ اویی گه هجوم قیلیب و پولیس کوچلری بیلن اوروشگن.
اولرگه کوره، بو اوروش ده 13 پولیس هلاک و باشقه 13 ته‌سی یره‌لنگن.
تخار ولایتی نینگ پولیس قومندانلیگی سوزلاوچیسی خلیل اسیر، بو واقعه نی تصدیقلیدی، بیراق اوروش نتیجه‌سیده قربان بولگن‌لرنینگ توغریسیده هیچ نرسه دیمه‌یدی.
لیکن، خواجه‌غار تومنی بوییچه ساغلیک مرکزی مسؤولی داکتر احمدشاه نینگ سلام‌وطندارگه ایتیشیچه، واقعه محلی‌دن 13 پولیس نینگ جسدی و 10 یره‌لی بو مرکزگه انتقال بیریلگن.
طالبان گروهی حاضرگچه بو واقعه توغریسیده میدیالرگه هیچ نرسه دیمه‌گن.
