اوشبو واقعه بوگون "چهارشنبه" توشدن آلدین ساعت 11 ده قندهار- هرات قتناو یولیده تینج اهالینی انتقال بیرهدیگن بیر موتر نینگ جاده چکهسیده جایلشتیریلگن ماین بیلن دوچ کیلگنی باعث، یوز بیرگن.
هلمند حاکمی سوزلاوچیسی عمر زواک نینگ بو خبرنی تصدیقلب ایتیشیچه، اوشبو پارتلشده 7 تینچ اهالی هلاک ایتیلیب و باشقه 2 تهسی یرهلنگن دیر.
هلمند حاکمی نینگ سوزلاوچیسیگه کوره، اوشبو واقعه مسوولی طالبان گروهی دیر، بیراق طالبان گروهی حاضرگهقدر بوتوغریده فکر بیلدیرمهگن.
ایتیلیشیچه، کمیده بیر هفته آلدین هلمند ولایتی نینگ موسیقلعه تومنیده جاده چکهسیده جایلشتیریلگن ماین نینگ پارتلشی عاقبتیده 8 تینچ اهالی هلاک ایتیلگن ایدی.
