افغانستانده کرونا ویروسیگه چلینگنلرنینگ سانی کوپهیگن بیرحالده، طالبان گروهی کرونا ویروسیگه قرشی کورهشیش اوچون اوروشنی توختهدی.
اوشبو گروه نینگ اعلان قیلیشیچه، حاکمیتلریده بولگن منطقهلرده کرونا ویروسی چیقگن صورتده، اولرنینگ جنگریلری اوروشنی توختهتیشگه حاضر دیر.
طالبان سوزلاوچیسی ذبیحالله مجاهد نینگ ایتیشیچه: «بیزیم حاکمیتیمیزگه بولگن منطقهلرده کرونا ویروسی کوپهیگن صورتده، بیز وضعیتنی کنترل قیلهمیز، بیللی منطقهلرده اوروش توختهتیلهدی و ساغلیک موسسهلرنینگ یاردم بیریشلریگه زمینه یرهتیلهدی.»
جناب مجاهد، طالبان گروهی تامانیدن آتیشکیسین اعلان قیلینیشی خصوصیده بولگن خبرلرنی رد قیلهدی و صحبتلری میدیالر تامانیدن ناتوغری تعبیر قیلینگن دیدی.
حاضرگهقدر مملکت بوییچه 239 کیشی کرونا ویروسیگه چلینگن و اوشبو ویروسیگه چلینگنلردن کوپراغی هرات یشاوچیلریدن.
ساغلیقنی سقلش وزیرلیگی نینگ اعلان قیلیشیچه، کرونا ویروسیگه چلینگنلر جملهسیدن 4 تهسی هلاک ایتیلیب و باشقه 10 تهسی درمانلنگن دیر.
