امریکا قوشمه ایالتلری نینگ ملی کوچلری اوتگن کون کیچقرون اتم‌سیز اینگ ییریک بمبنی ننگرهار ولایتی نینگ اچین تومنیگه تشله‌دی. آق اوی نینگ رسمیلری، «GBU-43» رسوملی مذکور ییریک بمب افغانستان شرقیده داعش جنگریلرینی نابود ایتیش نیتده تشلنگن دیدیلر.
افغانستان‌ده بونده‌ی ییریک بمبنی ایشگه سالینیشی منطق گه قرشی لیگینی معلوم قیلگن مملکت نینگ ایریمی حربی متخصصلری، افغانستان کبی بیر دولت‌ده بو بمبنی استعمال بولیشی آقله‌نیشی ممکن ایمس دیدیلر. تحلیلچیلر، امریکا آغیر قوراللرینی سیناودن اوتکزیش نیتده افغانستان سیناو تخته‌سی اوله‌راق فایده‌لنه‌دی دیگنلر.
سلام‌وطندار ترماغیگه صحبت بیرگن حربی تحلیلچی جاوید کوهستانی، داعش جنگری طالبلرگه قره‌گنده افغانستان اوچون ییریک تهدید بولگن لیگینی تیلگه آلگن. اونینگ تعبیریچه، داعش نی نابود قیلیش اوچون مصرف سیز همده آسان یوللر بار.
جناب کوهستان، اوشبو ییریک بمبنی ایشگه سالیش افغانستان توپراغیده منطقه‌ویی رقابتلرگه باعث بوله‌دی دیدی.
باشقه بیر حربی تحلیلچی کابلخان تدبیر، امریکا افغانستان‌نی حربی پولیگون توزه‌تیب سوء استعمال قیلیش‌گه اولگوریشی‌نی بیلدیرگن.
جناب تدبیر، داعش نینگ توده‌سی هیچ بیر ییرده توپلم شکلیده مرکزلشگن ایمس لیگینی بیلدیردی. و اقش نینگ بو تدبیری بشریت‌گه قرشی بیر عمل حسابلنه‌دی. بونده‌ی بمبلرنی استعمال بولیشی محیط همده بشریت اوچون کته زیانی بارلیگی ایتیله‌دی.
لیکن، ننگرهارولایتی ولایت کینگشی نینگ اعضاسی ذبیح الله زمری، مامن‌دره منطقه‌سیده داعش نینگ نینگ ییریک مرکزیگه نشانگه آلیگن لیگینی بیلدیردی.
اونینگ سوزلریگه قره‌گنده، مذکور حادثه ده افغانستان اوچون داعش حرکتی نینگ بلند مرتبه‌لی اعضالری اولدیریلگن.
شونینگدیک جناب زمری، واقعه ده تینچ اهالی گه زیان ییتمه‌گن دیدی.
عین حالده، افغانستان جمهور رییسلیک سرایی بیر خبرنامه نشر قیلیب، افغانستان ملی کوچلری همده خلق ارا کیسکین ماموریت نینگ قوشیمه عملیاتی نتیجه‌سیده ننگرهار ولایتیده داعش حرکتی گه آغیر تلفات ییتکزیلگن لیگینی معلوم قیلگن.
مملکت ملی مدافعه وزیرلیگی اوشبو هجومده داعش گه وفادار 36 نفر نابود بولگن لیگینی بیلدیردی. عین حالده، عملیات‌ده داعش نینگ بیر قنچه آغیر و یینگیل حربی انجام اورته‌دن کیتگن.
اتم سیز «GBU-43» بمب داعش توده‌سی نابود ایتیلیشی مقصدیده قوله‌نیلگن. اوشبو بمب بیرینچی مرته میلادی 2003- ییلده عراق‌ده سیناو دن اوتکزیلگندی.
