.jpg)
بوگون «یکشنبه» 9- دسامبر، فسادگه قرشی کورهش خلق ارا کونی سنلهدی و جمهورلیک ریاستینینگ سیلاوی عرفهسیده جمهور رئیسنینگ نطق سوزلهشی اوچون بهانه بولدی.
جمهور رئیس محمداشرف غنینینگ ایتیشیچه، دولت اصلاحات کیلتیریش خصوصیده، کیمسه گه قرشی حرکت قیلمهیدی؛ کورینیشیچه او، اجتماعی ترماقلر و مدیالرده بولگن تنقیدلرگه اشاره قیلگن.
تنقیدچیلرنینگ ایتیشیچه، جمهور رئیس غنینینگ اصلاحاتی برنامهسی «غرضلی، قومی و شبهلی» دیر. بیراق محمداشرف غنینینگ ایتیشیچه، ایکی گروه ملی بیرلیک حکومت برنامهلریگه عکسالعمل بیلدیرگنلر؛ بیر گروه اصلاحات عملگه آشیریلگنده اجتماع ترقیاتینی توشونهدی و باشقه بیر گروه اصلاحات کیریتیلیشینی باشقهلر اوچون چقور قازماق دیب توشونهدی.
جناب غنینینگ ایتیشیچه، سونگی گروه اصلاحات کیریتیشنی سلبی توشونهدی؛ «بو جماعت اصلاحاتنی باشقهلر اوچون قودوق قازماق دییدی، اولر اصلاحاتنی شخصی و اوز گروهی گه قرشی توشونهدی و اصلاحاتنی یخشی کیلهجک و آست قوریلمهلر اوچون تمل تاش قوییلیشینی توشونگنلر مملکت کیلهجگی یخشیلنیشی توغریسیده، ییترلیچه اصلاحات کیریتیلیشینی لازم و حتمی دیب بیلهدی.»
جمهور رئیس محمداشرف غنینینگ ایتیشیچه، کانکور جریانی، شرطنامهلر باغلهنیشیده، حکومت ایشلاوچیلرینی تعیینلشده و عدلی و قضایی ادارهلریده کینگ شکلده اصلاحات کیریتیش ملی بیرلیک حکومت حاکمیتیده اورته گه کیلگن.
جناب غنی، مملکتدهگی تیزیمسیزلیکلر و آرتده قالیش توغریسیده ایلگری حکومتنی عیبلب ایتیشیچه، بو وضعیت اداغیگه ییتیشماقده.
.jpg)
جمهورلیک ریاستی ایکینچی اورین باسری سرور دانشنینگ ایتیشیچه، فسادگه قرشی کورهش اوچون ملی بیرلیک حکومتینینگ کورهشی توغریسیده، ایچکی و تشقی قضاوتلردن بیر بولیمی انصافدن اوزاق دیر؛ بیراق باشلیغی گه قرشی ایشانچی گه کوره، بو توغریده حاضرگچه ییترلیچه ایش قیلینمهگن و ایلگریده اوزاق یول بار.
بیراق، اوشبو ییغینده بریتانیا ایلچیسی سر نیکولاس کی، سوزینی پوزخندلیک بیلن باشلب ایتیشیچه، کابلده فسادگه قرشی کورهش خلق ارا کونی نشانلهنیشیدن خرسند یا-ده الم توتیشینی بیلمهیدی.
لیکن، امریکا ایلچیسی جان بس، اصلاحات عملگه آشیریلیشی اوستیگه تأکیدلب ایتیشیچه، پولیس قانوننی برچه گه بیردیک تطبیق ایتیشی کیرهک.
فسادگه قرشی کورهش خلق ارا کونی نشانلنگن بیرچاغده، جمهور رئیسنینگ ینگی بیر فرمانی اساسیده، ینه بیر کونده فسادگه قرشی کورهشووچیلر نامیده حکومت بلند مرتبهلی رسمیلریدن بیرقطارینینگ کوکسیده مدال آسیلهدی.
