دولتی بیلیم یورت‌لرده کافی ظرفیت بولمه گنلیگی، درسی امکانات و کیفیت‌لر بولمه گنلیگی و درس و تحصیل‌دن ییل‌لرچه اوزاغ قالگن‌لرگه اوقیش امکاناتی یره‌تیلمه‌گن‌لیگی اولکه خصوصی بیلیم یورت‌لری‌نینگ بازاری قیزیش‌گه سبب بولگن.
ایندی‌کی شرایط‌ده افغانستان مکتب‌لریدن فراغت حاصل قیلگن کیشی‌لر تحصیل‌لرینی دوام بیریشگه قول تاپاله دیلر. دولتی بیلیم یورت‌لر یانیده، اولکه بویلب اونلرچه خصوصی یوکسک بیلیم یورت‌لرفعالیت اوتکزیب، دولتی بیلیم یورت‌لرده موفق بولمه‌گن‌لر، کانکور سیناویدن قالگن‌دن کیین، خصوصی بیلیم یورت‌لرده رجوع قیله‌دیلر.
1394- ییل کانکور سیناویدن نتیجه سیز قالگن فرهاد، شو حاضر خصوصی بیلیم یورت‌لردن بیریگه اقتصاد طلبه سی بولیب درس اوقیش‌گه مصروف دیر ایتیشیچه، اونگه اوخشه‌گن‌لر اوچون خصوصی بیلیم یورت‌لر مناسب‌مکان بولگن. اونگه کوره، دولت خصوصی بیلیم یورت‌لرنی یاپیش ایمس، بلکیم باید مذکور بیلیم یورت‌لر کیفیتی‌نی یوقاری ایلتیش‌گه تلاش قیلسه.
باشقه بیرخصوصی بیلیم یورت‌لر طلبه‌لریدن بیری ضیاءالدین‌نینگ ایتیشیچه، شوحاضر قیله آله‌دیلر دولتی بیلیم یورت‌لربیلن رقابت قیلسه‌لر. مذکور بیلیم یورت‌لرنینگ کوپیسی اورگه‌تیش کیفیتی لحاظ‌دن یخشی اورین آلگن. ضیاءالدین گه کوره، مذکور بیلیم یورت‌لرده یوقاری درجه‌ده تحصیل کورگن اوقیتوچیلرموجود.
اما کاتب بیلیم یورتی‌نینگ طب بولیمی‌ده‌گی تورتینچی صنف طلبه‌سی ویدا سلامت‌شاه‌نینگ ایتیشیچه،، خصوصی بیلیم یورت‌لرگه نسبتن دولتی بیلیم یورت‌لر کیفیت سطحی یوقاری درجه‌ده کورینه‌دی. اما کورینیشیچه، خصوصی بیلیم یورت‌لرده ایریم رشته‌لر موجود بولمه‌گن‌لیگی بیلن تنوع‌سیز دیر.
شونینگ‌دیک مذکور بیلیم یورت‌لرده مناسب مکان و فضا موجود ایمس. اوقووچیلردن کوپیسی یوقاری درجه‌ده بولگن هزینه بیلن اوتیشلریدن شکایت قیله‌دیلر.
کابل بیلیم یورتی‌نینگ اقتصاد بولیمی‌نینگ ایکینچی صنف طلبه‌سی معشوق‌الله گه کوره، خصوصی بیلیم یورت‌لردن کوپیسی، گینه سوداگرلیک کوزی بیلن رسانه‌لر آرقه‌لی یوکسک تبلیغ اساسیده اوزلریگه کیملیک بیرگن‌لر. اونینگ کوپه‌یتیریشیچه، مذکور بیلیم یورت‌لردن کوپیسی باید دولت تامانیدن یاپیلسه.
خانم سلامت‌شاه‌نینگ ایتیشیچه، بیرینچی سمسترده 39 مینگ افغانی فیس بیریشی بیلن درسنی باشله‌گن ایدی، اما مذکور فیس کیله‌سی ییل‌ده 43 مینگ افغانی‌گه ایتیب بارگن ایکن.
شونینگ‌دیک افغانستان عالی تحصیلات وزیرلیگی خصوصی بیلیم یورت‌لر خصوصی‌ده، بولر غیر قانونی و اصول دن چیقگن‌لیگی‌نی بیلدیرگن ایدی.
