افغانستان صناعت و تجارت اتاقی‌نینگ ینگی‌دن قولگه کیریتگن حسابات‌لریده قویاش جاری ییل نینگ بیرینچی اوچ آیی‌ده مملکت‌ده ایش و کوچ وضعیتی یخشی لنگن لیگی معلوم قیلینه‌دی.
اوشبو اتاق مسوول‌لری، اوتگن بیر ییل آقیمی‌ده تورت بار اوتکزیلگن سوراوده، امنیتی قیینچی‌لیکلر، باجخانه‌لرده‌گی اداری فساد و آستقورمه‌لر بولمه‌گن لیگی قره‌می؛ مملکت‌ده ایش و کوچ وضعیتی یخشی ایکن لیگنی اورگه نیلگن.
افغانستان تجارت و صناعت اتاقی‌نینگ رییسی عتیق الله نصرت بوگون بیر ییغین‌ده سوزلب، مذکور سوراو نتیجه‌سی‌نی اعلان ایتیب ایتیشیچه، سرمایه یاتقیزوچی‌لر مملکت‌ده سرمایه یاتقیزیش کیله‌جگی یخشی بولیشی‌گه امید بیلدیرگن‌لر.
حسابات مملکت نینگ بیش زونیده 600 سرمایه یاتقیزوچی بیلن تیلفون آرقه‌لی اوتکزیلگن سوراو نتیجه‌سیده قولگه کیلگن.حساباتده قندهار، نننگرهار و هرات ولایت‌لریده ایش و کوچ وضعیتی یخشی لنگن لیگی قید ایتیلگن. کابل و بلخ ولایت‌لریده اوتگن ییل‌گه قره‌گنده بو وضعیت اونچه لیک قانیقرلی بولمه‌گن.
جناب نصرت، اوشبو سوراوده بنا قوریش همده تجارت بولیمی‌ده ایش و کوچ وضعیتی یخشی ایکن لیگی معلوم بولگن دیدی.
صناعت و تجارت اتاقی‌نینگ باشلیغی، برچه بولیملرده‌گی ایشخانه‌لرگه ایش‌گه آلیش سطحی اوتگن سوراوگه کوره کم بولگن، اما، سرمایه یاتقیزوچی‌لر کیلگوسی آلتی آیگه قدر کوپراق کیشی ایش‌گه آلینیشی اوچون خوشبین‌لر.
عین حالده، آیسا یا افغانستان‌ده سرمایه یاتقیزیش‌نی حمایت قیلوچی اداره باشلیغی محمدقربان حقجو، حکومتنی وعده‌لری عمل بولیش اینیقسه اقتصاد رواجله‌نیشی اوچون بیرگن وعده‌سی‌گه کامیاب بولمه‌گن لیگینی ایتگن. اونگه کوره، تو غریده بولگن ایشلر هنوز هم قانیقرلی ایمس و سرمایه یاتقیزوچی‌لر اوچون مناسب شرایط یوق.
افغانستان تجارت اتاقی مسوول‌لری، هنوز هم نابرقرارلیک، ایچکی تَورلر اوچون یخشی بازار یوقلیگی، اداری فساد، آستقورمه بولمه‌گن لیگی و مملکت ده ملی منبع‌لرگه قول تاپمسلیک سرمایه یاتقیزوچی لررروپه ره بولیب تورگن قیین چیلیک‌لردن سنه‌له‌دی.
