زعفرانچیلر اویوشمهسی نینگ ایتیشیچه، ایشلب چیقاریلگن زعفرانی چیتایللیک مملکتلرگه صادر قیلیش خصوصیده حکومت نینگ هیچقندهی برنامهسی یوق و هراتده ایشلب چیقاریلگن زغفراندن کمیده 50% ایکینچیلر و ایشلب چیقارهدیگن شرکتلر قولیگه قالگن.
هراتده زعفرانچیلری اویوشمهسی باشلیغی بشیراحمد رشیدی نینگ ایتیشیچه، جاری قویاش ییل اوشبو ولایتده 18 تُن زعفران ایشلب چیقاریلگن، بیراق بو جملهدن کمیده 8 تُنی ایکینچیلر و ایشلب چیقارهدیگن شرکتلر قولیگه دیر.
جناب رشیدیگه کوره، کرونا بحرانی، پروازلرنینگ توختهتیلیشی و حکومت نینگ دقتسیزلیگی سبب، ایشلب چیقاریلگن زعفرانلردن 50% صادر بولمهگن
افغانستان زعفرانچیلر اویوشمهسی باشلیغی نینگ ایتیشیچه، زعفرانگه چیتایللیک مملکتلرده دولت تامانیدن بازار تاپیلمهگن صورتده، اوشبو صناعت جدی قیینچیلیک بیلن روپهره بولهدی.
هراتده زعفران ایشلب چیقارهدیگنلر و ساتهدیگنلردن بیرقطاری نینگ بازار بولمهگنیدن تنقید قیلیب ایتیشیچه، اوشبو محصولاتگه حکومت تامانیدن بازار تاپیلمهگن صورتده، بوتوغریده فعالیت قیلهدیگن بوتون شرکتلر و ایکینچیلر زیان کورهدی.
بیراق، هرات ولایتی بوییچه ایکینچیلیک ریاستی اورین باسری بشیراحمد احمدی نینگ ایتیشیچه، جاری ییلده ایشلب چیقاریلگن زعفران ایکینچیلر یانیده قالمهگن. اونینگ کوپهیتیریشیچه، کرونا بحرانی سبب، تولید بولگن زعفراندن بیر مقدارینی شرکتلر اختیاریگه قالگنی ممکن، بیراق نیچه هفتهدن بویان اوشبو محصولاتنی صادر قیلیش جریانی باشلنگن.
