طالبان جنگری‌لری اوتگن بیرهفته جریانیده تخار مرکزی نینگ اطرافیده بولگن قطار قیشلاق‌لرده نفوذ قیلگن و هیچ‌قندی آتیشمه یوز بیرمسدن مذکور قیشلاقلرنی نظارت‌لریگه آلگن.
تالقان شهری نینگ بودله قیشلاغیده امنیتی کوچلرنینگ حضوری یوق، یالغیز مردمی کوچلر طالبان گروهی بیلن مقاومت قیله‌دی.
اولرنینگ ایتیشیچه، مذکور منطقه‌لرده طالبان جنگریلری‌نینگ جای‌لشگنی باعث، کوپ قطار یشاوچی‌لر اوی و جای‌لرینی ترک قیلگنلر.
تالقان شهری نینگ بودله منطقه‌سیده جای‌لشگن مردمی کوچلر اعضالریدن بیر قطاری نینگ ایتیشیچه، طالبان جنگری‌لریدن اونلرچه‌سی اوشبو قیشلاق‌ده جای‌لشگنلر، اولرنی نابود قیلیش اوچون امنیتی کوچلر تامانیدن هیچ‌قندی سعی و حرکت صورت تاپمه‌گن.
محل یشاوچی‌لری نینگ ایتیشیچه، قول‌دن کیتگن منطقه‌لرنی قیته‌دن آلیش خصوصیده دقت قیلینمه‌گن حالده، طالبان گروهی مذکور منطقه‌لرده جدی قیین‌چیلیک‌که اوزگریله‌دی و تالقان شهرینی تهدید قیله‌دی.
مردمی کوچلر قومندانلریدن بیری ارباب صفت نینگ ایتیشیچه، طالبان گروهی‌گه قرشی اهالی قورال کوتارگن، بیراق ییترلیچه امکانیت‌لری یوق دیر.
عین‌حالده، تخار حاکمی سوزلاوچیسی جواد هجری نینگ ایتیشیچه، مردمی کوچلرنینگ مقاومتی سبب، طالبان هجومی آرتده اوریلگن و امنیتی کوچلر حربی عملیات یولگه قوییش اوچون تیارگرلیک آلماقده.
طالبان گروهی خواجه‌جنگال قیشلاغی‌نی نظارت‌لریگه آلگنی‌دن سونگ، مذکور منطقهده بولگن کوپریک‌نی تخریب قیلگن.
