قندوز ولایتی مدنیت و معلومات ریاستی رسمی‌لری‌نینگ ایتیشیچه، مذکور ولایت‌ده 19 تاریخی آبده دن 13 ته‌سی یوق بولیش عرفه‌سیده قرار تاپگن.
قندوز ولایتی مدنیت و معلومات ریاستی مدنیت آمری نعمت‌الله صافی‌نینگ ایتیشیچه، شو حاضر مذکور ولایت‌ده نیچه تاریخی ییر جمله‌دن بالاحصار، مهرنگار، ژوبین و مرچ تپه‌لری حربی قرارگاهی گه اوزگرگن. اونگه کوره، اوشبو ولایت‌نینگ تاریخی آبده‌لریدن سنله‌دیگن چهل دختران و کله منارها تپه‌لری یوق بولیش عرفه‌سیده قرار تاپگن و بو تپه‌لردن کوپینچه قسمت‌لری زوره‌وانلیک‌لر تامانیدن غصب ایتیلگن.
قندوز مدنی فعال‌لریدن بیرقطاری، اوشبو ولایت‌نینگ مدنیت و معلومات ریاستی رسمی‌لری‌نی تاریخی آبده‌لرنی سقلش خصوصیده بی‌فرق یانده‌شیش‌گه عیب‌لب آگاه‌لنتیریشیچه، بو آبده‌لرنی غصب ایته‌دیگن‌لرنینگ آلدی آلینمه‌گن صورتده، قندوزنینگ تاریخی آتی زمان اوتیشی بیلن یوق بولیشی ممکن.
بیراق، قندوز ولایتی مدنیت و معلومات ریاستی مدنیت آمری، تاریخی آبده‌لرنی سقلش‌ده خاص بیر قطعه یوقلیگی و تاریخی آبده‌لردن بیرقطاری، طالب‌لرنینگ نظارتی‌ده ایکنی باعث، تاریخی آبده‌لر زیان کورگن دییدی.
قندوز امنیه قومندانی جنرال محمدقسیم جنگل‌باغ، تاریخی آبده‌لرنی سقلش‌گه «012» قطعه‌نی مسؤول بیلیب ایتیشیچه، حاضرگچه بو قطعه قندوز ولایتیده ایجاد ایتیلمه‌گن.
شونینگ‌دیک بوندن آلدین، قندهار ولایتی مدنیت و معلومات ریاستی رسمی‌لری، مذکور ولایت‌ده نیچه تاریخی آبده یوق بولیش عرفه‌سیده ایکنی خصوصیده آگاه لنتیریب و بو تاریخی آبده‌لر قیته قوریلمه‌گن صورتده، یوق بولیشی‌نی ایتگن ایدی.
