.jpg)
بدخشان ولایتینینگ ولایتی کینگش اعضالری و چیگره منطقهسی یشاوچیلریدن بیرقطارینینگ ایتیشیچه، بدخشان-افغانستان و بدخشان-تاجیکستان آرهسیده چیگرهیی قوشمه کیلیشوولر عملگه آشیریلمهگنی و چیکلاولر ایجاد ایتیلگنی سبب، تاجیکستان آرقهلی نیازلرینی تأمین قیلهدیگن بدخشاننینگ چیگرهیی تومنلرینی یشاوچیلری کوپینچه قیینچیلیککه روپهره بولگن.
سلاموطندارگه صحبت بیرگن بدخشان ولایت کینگشی اعضاسی طلبالدین قادرینینگ ایتیشیچه، چیگرهیی چیکلاولر جدی بولگنی سبب، کسللردن بیرقطاری چیگره دن اوتیش اوچون تاجیک چیگرهچیلری تامانیدن رخصت بیریلمهگن چاغیده، جان بیرهدیلر.
بدخشان چیگرهیی تومنلری یشاوچیلریدن بیری حبیبالله نینگ ایتیشیچه، چیگرهیی چیکلاولر برچه بولیملر اینیقسه عیال کسللرنی دارولش اوچون تاجیکستان گه انتقال بیریش خصوصیده، اولرنی کوپینچه قیینچیلیککه روپهره قیلهدی.
عین حالده، بدخشان حاکمی سوزلاوچیسی نیکمحمد نظرینینگ ایتیشیچه، تاجیکستان چیگرهیی همکارلیکلری نیچه کون امنیتی خواطرلر سبب، چیکلاولر بیلن روپهره بولدی، لیکن حاضر عادی شکلده دوام ایتماقده.
نظری گه کوره، بدخشان محلی حکومتی تاجیکستان مملکتینینگ خواطرلرینی برطرف قیلیش و چیگرهیی منطقهلرنینگ یشاوچیلرینی قیینچیلیکلری حل ایتیلیشی اوچون تاجیکستان مملکتی بیلن سوزلشگن و تیزلیکده بو قیینچیلیک حل ایتیلهدی.
بدخشان چیگرهیی تومنلرینی یشاوچیلرینینگ ایتیشیچه، تاجیکستان امنیتی خواطرلری اوچون چیگرهیی چیکلاولر ایجاد ایتیلگنی باعث، اولر ییگولیک آذیق-آوقت و ساغلیک خذمتلری خصوصیده کوپینچه قیینچیلیککه روپهره بولگن.
مذکور ولایت محلی رسمیلرینینگ ایتیشیچه، چیگره قیینچیلیکلری حل ایتیلیشی خصوصیده، اولرنینگ سعی و حرکتلری نتیجه بیرمهگن صورتده، اولر چیگره تومنلری یشاوچیلریگه یاردم بیریش اوچون ییترلیچه تیارگرلیک آلگنلر.
