دا دوه اعتراض کوونکي بېګا شپه داسې مهال وژل شوي، چې پولیسو د کابل ښار له شېرپور سیمې نه د اعتراض کوونکیو نه د خېمې په ټولو لاس پورې کړ؛ خو د اعتراضګرو لهخوا له مقاومت سره مخ شول.
دې اعتراض کوونکیو سلام وطندار ته وویل، چې د کابل ګارنېزون امنیتي ځواکونو د دوی د خېمې د لېرې کولو پر مهال ۲ تنه اعتراض کوونکي وژلي او ۸ تنه یې ټپيان کړيدي.
اعتراض کوونکي زیاتوي، چې ۱۲ تنه پولیسو له ځانه سره وړي او ځېنې یې نادرکه دي.
دا اعتراضونه د روانې لمریزې میاشتې د ۱۲مې نېټې د موټر بم چاودنې په اړه، چې د کابل د وزیر اکبر خان مېنې په سیمه کې وشوه راپورته شويدي. د وزیر اکبر خان مېنې په پېښه کې ۱۵۰ تنه ووژل شول او شاوخوا ۴۰۰ تنه ټپیان شول.
امنیتي ځواکونو د دې پېښې مسوولیت حقاني شبکې پورې تړلی و.
له همدې پېښې دوه ورځې وروسته اعتراضونه شروع شول، چې په لومړۍ ورځ یې ۶ تنه ووژل شول او ۱۰ نور ټپیان شول.
