بغلان کې د طبیعي پېښو پروړاندې د مبارزې رییس محمدنصیر کهزاد سلاموطندار ته ویلي چې د تېرې شپې زلزلې په پلخمري ښار کې د یوې کورنۍ ۳ غړي وژلي او ۳ نور یې ټپیان کړي دي.
د نوموړي په وینا، دغه پېښه د پلخمري ښار په قشلاق سیمه کې شوې چې ټول قربانیان یې ماشومان دي.
په همدې حال کې د پلخمري ولایتي روغتون رییس محمدانور وردګ هم وايي، تراوسه د ۳ کسانو جسدونه او ۲ ټپیان روغتون ته وروړل شوي دي.
نوموړی د ټپیانو روغتیايي وضعیت د ډاډ بولي.
