بوگوندن 14 ییل آلدین، مملکت جمهورلیک ریاستی نینگ سابق اورین باسری مارشال محمدقسیم فهیم، نماینده‌لر کینگشی نینگ سابق باشلیغی محمدیونس قانونی، مدنیت و معلومات وزیرلیگی نینگ سابق وزیری سیدمخدوم رهین و پروان محلی حکومتی نینگ رهبرلیگی حضوریده قیزیل قشوندن قالگن یوزلرچه حربی جهاز و نقلیه واسطه جایلشگن جبل‌السراج تومنی نینگ پُشته سُرخ منطقه‌سی افغانستان خلقی نینگ ملی جهادی و مقاومت موزیمی آتی‌نی آلدی.
اوندن بیر یریم دهه اوتماقده، بیراق بو موزیم دن یالغیز آت قالگن و قوریلیشی اوچون بیر آدیم هم کوتریلمه‌گن.
ایکی ییل آلدین، جمهورلیک ریاستی، دولتی اداره‌لر اینیقسه حربی اداره‌لردن ایش‌گه یره‌مس و داغلی تیمیرلر ساتیلیشی خصوصیده فرمان صادر قیلدی. حاضر ایسه، پروان محلی رسمی‌لری بیر رسمی نامه‌ده جبل‌السراج محلی مسؤوللریدن پشتۀ سرخ ده‌گی ایش‌گه یره‌مس نقلیه‌واسطه‌لر و تیمیرلرنی «میهن‌استیل» خصوصی شرکتی گه ساتیش‌لرینی سوره‌گن.
بو نامه کابل، پروان، کاپیسا و پنجشیر ولایت‌لری نینگ جهادی باشلیغ‌لری و یشاوچی‌لری نینگ جدی عکس‌العمل‌لریگه روپه‌ره بولگن و اونلرچه کیشی ناراضیلیک نمایش یولگه قوییب مذکور موزیم ده‌گی تیمیرلر ساتیلیشی گه توسیق بولگن‌لر.
پروان ولایتیده جهاد و مقاومت مردمی کینگشی باشلیغی نورمحمد سکندرنینگ ایتیشیچه، پُشتۀ سُرخ افغانستان اهالیسی نینگ تأریخی کیم‌لیگی دیر و بو موزیم‌ده‌گی تیمیرلر ساتیلیشی گه هیچ بیر زمان رخصت بیرمه‌یدیلر. جناب سکندرگه کوره، مرکزی حکومت تشکیلاتیده قطار کیشیلر، افغانستان اهالیسی نینگ جهاد و مقاومت اساسیده قولگه کیریتگن فخرلرینی نابود قیلیش خصوصیده سعی و حرکت قیله‌یلر. اونگه کوره، پُشته سرخ تیمیرلرینی هر بیر تُنی 7 مینگ افغانی ساتیلیشی گه قرار قیلنگن و بو بها جوده هم آز دیر.
.jpg)
سلام‌وطندارگه ییتیشگن حجت‌لر اساسیده، جمهورلیک ریاستی پشتۀ سرخ ده‌گی اِیشدن توشگن حربی تانکلرنینگ 7 کیلوگرام تیمیری 15 افغانی ساتیلیشی خصوصیده «میهن‌استیل» شرکتی بیلن شرطنامه امضاءلنگن.
پروان ولایتیده افغانستان اهالیسی نینگ جهاد و مقاومت مردمی کینگشی نینگ اورغولشیچه، حکومت نینگ قراری گه قرشی توره‌دیلر.
پروان محلی حکومتی اوشبو منطقه‌ده جهاد ملی و مقاومت موزیمی ایجاد ایتیلیشی نی سوره‌ب و بو توغریده بوله‌دیگن حرکتلردن صحبت بیره‌دی، بیراق اوشبو حجتلرنینگ بیری گه کورینیشیچه، پروان حاکمی جبل‌السراج تومنی ولسوالی گه حربی تانکلر و جهازلر انتقال بیریلیشی خصوصیده، مذکور شرکت گه همکارلیک قیلیش بویروغی نی بیرگن.
ولایت بناسیده یولگه قوییلگن بیر ییغینده اوشبو ولایت حاکمی فضل‌الدین عیار، پشتۀ سُرخ ده‌گی تیمیرآلات لرنینگ ساتیلیشی توغریسیده بولگن سونگی اعتراضلر گه اشاره قیلیب اورغولشیچه، قطار کیشیلر شخصی منفعت‌لری اوچون بو موضوع دن فایده‌لنه‌دیلر.
.jpg)
جناب عیارگه کوره، مذکور تیمیرآلات قویاش یاغدوسی آستیده قرار تاپیش اورنیده تیمیر ییریتوچی کوره‌لرده ساختمانی موادلرگه اوزگره‌دی.
شونینگدیک پروان معلومات و فرهنگ ریاستی اوشبو موضوع توغریسیده اوز خبرسیزلیگی نی بیلدیریب اورغولشیچه، بو موضوع نی اجتماعی صحیفه‌لردن خبر بولگن.
پروان معلومات و فرهنگ ریاستی باشلیغی عبدالواحد هاشمی نینگ ایتیشیچه، 14 ییل آلدین پشتۀ سرخ منطقه‌سیده، جهاد و مقاومت ملی موزیمی نینگ تامیر تاشی قوییلدی، بیراق اونینگ ایشی هیچ آلغه بارمه‌دی.
جناب هاشمی نینگ تاکید قیلیشیچه، پشتۀ سُرخ ده قالگن حربی تجهیزات‌لرنی ساتیلیشی خصوصیده، پروان یشاوچی‌لری اعتراض‌لرینی معلومات و مدنیت وزیرلیگی بیلن شریک قیلگن.
جبل‌السراج تومنی نینگ پشتۀ سُرخ منطقه‌سی مدافعه وزیرلیگی‌گه تیگیشلی دیر و نیچه دهه‌دن بویان ملی اردو ایکینچی پیاده فرقه‌سی بو ییرده جایلشگن.
بو منطقه نیچه ییل آلدین حکومت تامانیدن ملی موزیم صفتیده ناملندی، بیراق اونینگ دارایی‌لرینی حکومتی نهادلر، جمهورلیک ریاستی هماهنگ‌لیگی بیلن کم بهاگه ساتیش دلیلی بیلی ایمس.
.jpg)
بو قضیه الکوزی شرکتی بیلن بولگن قرارداد بیلن فرقلی ایمس دیر. 1395- ییل سرطان آییده جمهورلیک ریاستیده دولتی ییرلرنی خصوصی بیر شرکت‌گه ساتیش قراردادی امضا ایتیلدی و اوشبو قرارداد ده هر بیرمتر مربع ییرنینگ بهاسی 2.5 دالر تعیین ایتیلگن ایدی.
بیرمتر مربع ییر 2.5 دالر ساتیلیگن صورتده، هر بیرجریب ییرنینگ بهاسی 5 مینگ دالر بوله‌‌دی و بو بها کابل شهریده سابقه‌سیز دیر.
افغانستان دولتی 143.54 جریب ییرنی ساتیش خصوصیده الکوزی شرکتی‌گه 90% تخفیف بیرگن ایدی و بو قضیه کوپ جنجلی بولدی. بیرقطار گزارشلرگه الکوزی شرکتی سیلاو کمپاین‌لری جریانیده جناب غنی دن حمایت قیلگنی سبب، بو قرارداد صورت تاپگن.
