پروان ولایتی محلی مسؤوللری نینگ ایتیش‌لریچه، «پنجشنبه دن جمعه» گه اوتر کیچه ساعت 9:40 ده بگرام هوایی قونلغه‌سی نینگ 6 ایشلاوچیسی بیر آتیشمه‌ده هلاک ایتیلگن.
پروان پولیس قومندانلیگی نینگ خوفسیزلیک آمری عبدالواسع رحیمی نینگ سلام‌وطندارگه ایتیشیچه، طالبان گروهی نینگ موترسایکل گه مینگن ایکی جنگریسی بگرام هوایی قونلغه‌سی نینگ ایشلاوچی‌لری گه اوق آتیشگن.
اونگه کوره، اوشبو واقعه بگرام هوایی قونلغه‌سی نینگ 10 ایشلاوچیسی اویلری گه تامان کیته‌یاتگن چاغده یوز بیرگن.
جناب رحیمی نینگ ایتیشیچه، بو آتیشمه‌ده باشقه 4 ایشلاوچی یره‌لنگن.
عبدالواسع رحیمی، بگرام هوایی قونلغه‌سی نینگ ایشلاوچی‌لری گه قرشی آتیشمه‌نی تروریستی هجوم دییدی.
شونینگدیک، نیچه وقت آلدین مذکور گروه نینگ جنگریلری اوشبو هوایی قونلغه گه موشک آتیشگن ایدی.
طالبان گروهی نینگ ایتیشیچه، بو هجوم مذکور گروه نینگ جنگریلرینی ایشی بولمه‌گن.
