کوپلب دولت نینگ سابق ملکی و حربی ملازم‌لری کابل تقاعد خزینه‌سی عمومی ریاستی قرشی‌سیده ناراضلیک نمایش اوتکزیب، حکومتدن آیلیک‌لری توله‌نیشینی سوره‌یدیلر. اولر، تقاعدلیک حقلرینی آلیش اوچون اونلرچه مرته مذکور ریاستگه کیلگنلر؛ بیراق حاضرگه قدر بولرنینگ حقلری بیریلمه‌گن.
تقاعد عمومی خزینه‌سی ریاستی نینگ زمان جدولیگه کوره، ایشدن چیققنلر حققی شو ییل باشله‌نیشیدن حاضرگه قدر تولنمه‌گن و اوشبو شخصلر کوپلب مالی قیینچی‌لیکلر بیلن روپه‌ره بولگن‌لیک‌لریدن شکایت قیلماقده‌لر.
بو ایشدن چیققن اعتراضچی‌لر، دولتنی حقلری توله‌نیلمس‌لیک باره‌سیده توجه‌سیزلیککه عیلب آگاهلنتیریشلریچه، ایسته‌کلریگه توجه بولمه‌گن صورتده، اعتراضلرینی دوام بیریشلری ممکن.
تقاعد خزینه‌سی نینگ عمومی ریاست باشلیغی گل‌محمد منتظر، تقاعد قیلگنلر حقلری توله‌نیلمس‌لیگینی ایش و اجتماع وزیرلیگی بودجه‌سی آزلیگی دیب بیله‌دی.
ایش و اجتماع وزیرلیگی نینگ سوزلاوچیسی عبدالفتاح احمدزی هم مذکور وزیرلیک نینگ بیر میلیارد افغانی‌گه یقین بودجه‌سی آزلیگینی تأیید قیلیب ایتیشیچه، سالیق/مالیه وزیرلیگی تمانیدن مذکور مبلغ توله‌نیشی بیلن تقاعد قیلگنلر قیینچی‌لیگی حل قیلینه‌دی.
تقاعد خزینه‌سی نینگ عمومی ریاستی‌دن بیریلگن سانگه کوره، ایشدن چیققنلردن مملکت بویلب 19 مینگ کیشی حقلرینی قولگه کیلتیرمه‌گنلر.
