.jpg)
د افغانستان په بلخ ولایت کې د عاشورا په مراسمو کې ځانمرګي برید له امله لږ تر لږه ۱۵ تنه وژل شوي او ۴۰ نور ټپيان دي.
د یاد ولایت د بلخ ولسوالۍ سیمه ییز مسوولین وايي، د عاشورا د ویرکوونکو لاریون په سړک روان و پرې بمي چاودنه شوې.
د بلخ د سرپرست والي ویاند منیر احمد فرهاد رسنیو ته وویل، چې بم د برېښنا یوې ستنې کې ځای پر ځای شوی و او د ریموټ کنټرول په واسطه ورته چاودنه ورکړل شوې ده.
تر اوسه د دغو بریدونو پړه کومې ترهګرې ډلې پرغاړه نه ده اخیستې.
یاده دې وي، چې تېره شپه د کابل په سخي زیارت کې ځانمرګي برید کوونکو لږترلږه ۱۸ تنه ووژل او ۶۲ نور ژوبل کړل.
دا په داسې حال کې ده، چې د اجرايي رييس ډاکټر عبدالله عبدالله دویم مرستیال محمد محقق نن رسنیو ته وویل، دوی راپورونه ترلاسه کړي وو چې داعش او لشکر جنګوي په افغانستان کې د عاشورا پر مراسمو د ۲۰ بریدونو پلان لري.
