اعتراضچی نامزدلرنینگ طرفدارلریدن یوزلرچه‌سی بلخ ولایتیده ناراضلیک نمایش یولگه قویب نماینده‌لر کینگشی سیلاوی‌نینگ آوازلرینی قیته‌دن سنه‌لیشی‌نی ایسته‌گنلر. اعتراضچی‌لر سیلاولر ایرکین کمیسیونی‌نینگ بلخ ولایتیده‌گی دفتری برابریده تحصن خیمه قوریش بیلن اوشبو دفتر ایشیگی‌نی باغله‌گنلر.
اعتراضچی نامزدلردن بیری محمد عبده‌نینگ ایتیشیچه، اختیاری‌گه بولگن حجت‌لرگه کوره، بلخ ولایتیده نماینده‌لر کینگشی سیلاویده کوپینچه ساخته‌کارلیک صورت تاپگن. اونینگ ایتیشیچه، ملی و خلق‌ارا نهادلر نظارتیده قاره آوازلر آق آوازلردن اجره‌تیلسین.
ناراض نامزدلردن باشقه بیری وکیل متین‌نینگ ایتیشیچه، سیلاولر شکایت‌لریگه ثبت ایتیلگن 800 شکایت‌نینگ تیکشیریلیشی کیره‌ک.
شونینگ‌دیک نجیب پیکان‌گه کوره، بو بیرینچی مرته ایمس‌که سیلاولر ایرکین کمیسیونی ملت اراده‌سی بیلن اوینه‌یدی.
بیراق سیلاولر ایرکین کمیسیونی‌نینگ بلخ ولایتیده‌گی باشلیغی عزت‌الله آرمان‌نینگ ایتیشیچه، 231 محل‌نینگ آوازلرینی قیته‌دن سنه‌لیشی ممکن.
جناب آرمان گه کوره، بلخ ولایتیده استعمال ایتیلگن آوازلردن 97.5% بایومتریک ایتیلگن و بایومتریک ایتیلمه‌گن آوازلرنی اجره‌تیش اوچون بو کمیسیون سعی و حرکت قیله‌دی.
اوتگن هفته هم بلخ ولایتیده نامزادلردن بیرقطاری اعتراض قیلیب آوازلرنینگ قیته‌دن سنه‌لیشی‌نی سوره‌گن ایدیلر.
