بغلان تیاتر و سینما موسسهسی نینگ اساسیچیسی قدرتالله تگابینینگ سلام وطندارگه ایتیشیچه، مذکور موسسه بغلان سینماچیلری هماهنگلیگی اوچون آچیلگن. ایتیلیشیچه، بوندن بویان سینماچیلر هماهنگلیک روشده ایش قیلهدیلر.
جناب تگابی نینگ ایتیشیچه، مذکور موسسهگه 20 کیشی اعضالیک قیلهدی، بولرنینگ برچهسی حرفهیی همده سینما ساحهسیده تانیلگن سیمالردیر.
تگابی، فیلم یازیش، کارگردانلیک، تدوین، فیلم بردارلیک و تکنیکی بولیملرده یخشی قابلیتگه ایگه ایکنلیکلرینی ایتگن.
بو موسسهنینگ اساسیچیسیگه کوره، اوشبو موسسه اعضالری فیلم چیلیک ساحهسیده ینگی نرسهلرنی اورگهنیش، همده فیلم تیارلش و باشقه قابلیتلرنی آشیریش اوچون اعضالرینی چیت ایلگه یوباریشگه سعی وحرکت قیلهدی.
عینحالده، بغلان ولایتی اخبارات و مدنیت ریاستی نینگ رییسی شکریه اصیل نینگ ایتیشیچه، تاجرلر و سرمایهچیلر مذکور موسسهگه همکارلیک قیلگن حالده، مذکور موسسهنینگ اعضالری اساسی و مسلکی شکلده فعالیت قیله آلهدیلر. اولرنینگ ایشلیب چیقهدیگن فیلملری خلق ارا استاندرلرگه ماس بولیشی ممکن دیدی خانم شکریه.
شونینگدیک خانم اصیل، اهالیدن مملکتده ایشلب چیقاریله دیگن فیلملرنی کوریب، حمایت قیلیشلرینی سورهگن.
باشقه تاماندن، بغلان ولایتینینگ قطار یشاووچیلری، افغان فیلم ودرامهلرنی کورمسلیکلرینینگ بیرینچی عاملی صفتی قویی بولگنلیگی دیر. انه شو باعث هم کوپینچه اهالی خارجی سریاللرنی کوریشگه حرکت قیلهدیلر.
افغانستانلیک تانیقلی سینماچیلر، مملکتده بو ساحهده ایش قیلیش اوچون زمینه بولمگهگن لیگیدن شکایت قیلیب، چیت دولتلرگه کیته دیگن بیر چاغده، بغلان ولایتیده بوندهی بیر مرکز تاسیس ایتیلماقده.
