بلخ اعتراضچی‌لری: کابل برقینی کیسه‌میز

بلخ یشاوچی‌لریدن کوپیسی 1000 مینگ امضا ییغیش‌لری بیلن برق بهاسی یوقاری کیتگن‌لیگی آلدی آلینمه‌گن صورتده، کابل برقینی کیسیش‌لریدن آگاهلنتیره‌دیلر.

بلخ یشاوچی‌لری نینگ معلوم قیلیش‌لریچه، بو ولایتده برق بهاسی 4.5 افغانیدن 6.5 افغانی‌گه چیقیب بارگن.

برق بهاسی یوقاری کیتگن‌لیگی دلیل اعتراضچی‌لر امضاسی نینگ اویغونلاوچیسی قاری میررویین انصاری نینگ ایتیشیچه، مرکزی حکومت و افغانستان برق ایتکیزیب بیره‌دیگن شرکتی (برشنا) بولر ایسته‌گیگه جدی توجه قیلمه‌گن صورت‌ده، بلخ‌دن کابل تامان کیله‌دیگن برق سیمینی کیسیب تشلش‌لری ممکن.

بلخ ولایتی کینگش باشلیغی داکتر افضل حدید هم حکومت‌نی بو عملی تبعیضلی ایکن دیب بیله‌دی و بلخ یشاوچی‌لریدن برق بهاسی کمیمه‌گونگه قدر، برق اوچون پول توله مسلیک‌لرینی ایسته‌دی.

جناب حدیدنینگ معلوم قیلیشیچه، بلخ یشاوچی‌لری نینگ ایسته‌کلریدن حمایت قیله‌دی و بو بلخ یشاوچی‌لری ایسته‌کلرینی مرکزی حکومت‌گه ایتکیزه‌دی.

ولایت برق شرکتی رسمی‌لریدن بوباره‌ده معلومات آلماقچی بولدیک، اما کوپلب تلاش‌لربیلن جواب آلیشگه موفق بولمه‌دیک.