افغانستان قاچقینلر ایشلری بوییچه وزیر سیدحسین عالمی بلخی بوگون (سه‌شنبه) مملکتگه قیتگنلر برقی معلومات مرکزی آچیلیش ییغینیده هر ییل مهاجرلر کته مقدارده‌گی مبلغنی مملکت اقتصادی آقیمیگه قوشه‌دیلر دیگن.
اونینگ سوزلریگه کوره، فقط میلادی 2016- ییلده ییتی میلیارد دن کوپراق دالر مهاجرلر آرقه‌لی افغانستان‌گه اقتصادیگه قوشیلگن.
قاچقینلر ایشلری بوییچه وزیر، نابرقرارلیک، قیشاقلیک و ایش سیزلیک یاشلرنی مملکت ترک قیلیشی اوچون اساسی عامللردن سنه‌له‌دی دیگن.
بونینگ یانیده جناب بلخی مملکتدن تشقریده اورگه‌نیش و ایش قیلیش افغانستان اقتصادی اوسیسی اوچون ایجابی تاثیری بار دیگن. چیت ایلده‌گی مهاجرلر خانه‌دانلریگه پول یوباریش اوزی اقتصاد اوچون کته رولی بار دیگن جناب وزیر.
دنیا بانکی نینگ حساباتیده کوره، ییلده اوچ میلیار دالر چیت ایلده‌گی مهاجرلر آرقه‌لی افغانستان‌گه کیله‌دی.
«حواله» اقتصاد ارزشا نی ایجابی بهاله‌گن سیدحسین عالمی بلخی، ییلده کته مقدارده پول افغانستان‌گه کیلیشیگه قره‌می، کوپیچنه حواله‌لرنینگ خرجتی کوپ بولگنی اوچون رویخطگه آلینمیدی.
او، پایدار رواجله‌نیش اوچون حواله لر خرجتینی 5%دن 3%گه کمیتیریشی ممکن دیگن. حواله نینگ خرجتی توشیریلیشی بیلن مملکت اقتصادیگه کوپراق پول جریانگه توشی کوتیله‌دی.
قاچقینلر مساله‌سی بوییچه وزیرلیک نینگ رسمی حساب کتابیده میلادی 2016- ییلده بیر میلیون دن آرتیق مهاجر مملکتگه قیتگنلر. ایتیلیشیچه، هنوز گچه بیش میلیون افغان چیت دولتلرده حیات کیچیریب کیله‌دی.
