بلخ ولایتیده بیرینچی و یالغیز عیال ولسوال، چهارکنت تومنیده خوفسیزلیکنی تأمینلش اوچون اوروش میدانی گه باریب و امنیتی کوچلرنینگ یانیده طالبان گروهی گه قرشی کورهشهدی.
بلخ ولایتی نینگ چهارکنت تومنی اوچون بیرینچی عیال ولسوال سلیمه مزاری، طالبان گروهی نینگ هجوملری شدتلنگنی سبب اوروش میدانی گه بارگن.
او، حربی قومندانلر کبی مذکور تومن نینگ مردمی کوچلری گه حربی مصلحت بیرهدی.
سلیمه مزاری نینگ ایتیشیچه، امنیتی کوچلر و مردمی کوچلرنینگ آرهسیده کوپراق اویغونلیک ایجاد ایتیلیشی اوچون اوروش میدانی گه کیلگن.
اوتگن هفته بلخ ولایتی نینگ چهارکنت تومنی اوستیگه طالبان گروهی تامانیدن اویوشتیریلگن هجوم مذکور تومن اهالیسی نی جدی شکلده خواطرگه سالگن.
سلیمه مزاری بلخ ولایتی نینگ 14 ولسوالی آرهسیده بیرینچی عیال ولسوال دیر و بو عیال ولسوال چهارکنت تومنی نینگ اهالیسی قولیلیک ایجاد قیلیش اوچون سعی و حرکت قیلهدی.
بانو مزاری نینگ ایتیشیچه، مذکور تومن اهالیسی کوپینچه قیینچیلیکلرگه روپهره بولیب تورگن. اونگه کوره، مذکور تومنده امکانیت یوقلیگی، قتناو یوللر بوزیقلیگی، کسلخانه و مکتب یوقلیگی اساسی قیینچیلیکلردن سنلهدی.
اونینگ کوپهیتیریشیچه، اوشبو تومن نی اداری ایشلرینی آلغه آلیب باریش اوچون شخصی کمپیوتر و پرینتریدن فایدهلنهدی. اونینگ ایتیشیچه، حاضرگی توزوم باشلنگنیدن 18 ییل اوتماقده، بیراق مذکور تومن ادارهسی هر بیر امکانیت و جهازدن محروم قالگن.
بلخ ولایتی نینگ چهارکنت تومنی مزارشریف شهری نینگ 40 کیلومترلیگی ده جایلشگن و خانم سلیمه مزاری بیر ییل آلدین مذکور تومننی ولسوالی صفتیده تانیشتیریلگن.
