تخار ولایتی کلف‌گان ولسوال‌لیگی زرد آلو قیشلاغی نینگ یشاوچی‌سی عبدالصمد ناملی بیر ملا 13 یاشیر بیر قیزنی جنسی زورله‌گن.
نفیسه ناملی اوشبو قیز سکّیز آیدن بویان حامله‌لی بولگن.
کلف‌گان تومنی نینگ ولسوالی نورمحمد، ملا صمد مذکور قیزگه زهرلنتیرووچی دارو بیرگن‌دن سونگ، رمضان مبارک آیی‌ده مسجد ایچکری‌سی‌ده تجازو قیلگن لیگی‌نی ایتگن.
ولسوال نورمحمد نینگ ایتیشیچه، نفیسه و اونینگ تینگداش‌لری شرشر مسجد امامی بولگن ملا صمد یانیده قرآن کریم‌دن تعلیمات کورگن‌لر. 35 یاشلی ملا صمد اوز عیبی‌نی اعتراف قیلگن. او، اوز قیلگن اعترافی‌ده مذکور گودک‌نی نیچه مرته جنسی زورله‌گن لیگی‌نی تن آلگن.
تخار خاتین قیزلر ایشلری بوییچه اداره رییسی خانیم رزم‌آرام حواش، عیال‌لرگه قرشی زوروانلیک حال‌لرنی آشیشی خواطرلنرلی بولگن لیگی‌نی بیلدیرگن.
خانیم حواش‌گه کوره، خاتین قیزلرگه قرشی قول‌لنیله دیگن زوروانلیک همده جنسی تجاوز میزانی کمیشی اوچون حج اوقاف ریاستی آرقه‌لی مسجد اماملریدن بو پدیده گه قرشی کوره شیش‌لری سوره‌لگن.
عین حالده، تخار دین عاملر کینگشی نینگ باشلیغی مولوی صمد سلام وطندار بیلن بولگن صحبتیده، جنسی تجاوزگه عیب‌لگن ملا موضوعینی رد قیلگن. اونگه کوره، ایریم شخص‌لر ملالر نامینی جامعه‌ده یامان قیلیشگه اولگوره دیلر.
ولایت دین عالملر کینگشی نینگ رییسی‌گه کوره، کورینشیگه بو پروفاگندگه حکومت نینگ رولی بار. عاموی اخبارات واسطه لری هم ملالرگه عاید کیچیک مساله‌نی کتّه قیلیب کورسه تیشگه حرکت قیله‌دیلر.
شونینگ‌دیک ولایت دین عالملر باشلیغی گه کوره، ملا صمد کلتک لنگندن سونگ مجبوریت یوزه‌سیدن عیبی‌نی اعتراف قیلگن لیگی‌نی ایگن. شونینگ‌دیک، او بونده‌ی مساله لر اوچون غرب دولت‌لری‌نینگ سیاستی تاثیر یوق ایمس‌لیگی‌نی رد قیلمه‌گن.
او، ایریم معین مملکت‌لر افغانستان دین عالم‌لرینی بد نام قیلیشگه سعی وحرکت قیله‌یاتگن‌لیکلرینی بیلدیرگن.
اما، کلف‌گان ولسوالی نورمحمد، موضوع برنامه اساسیده عملگه آشیریلگن ایمس، نفیسه عایله‌سی اوزی مذکور مساله‌نی پولیس اداره‌سی بیلن اورتگه قویگن‌لیگی‌نی تیلگه آلگن.
ولسوال ملاصمد اوزی محل قوم یاش اولوغ‌لری حضوریده عیبی‌نی تن آلگن لنگی‌نی بیلدیرگن. عین حالده، تخار مدنی جماعه چیلیک اداره‌سی نینگ اعضاسی آرین خراسانی، بونده‌ی تجاوزچی‌نی مدافعه قیلیش اویت دیگن.
آرین، دین عالم‌لری هیچ بیر زمان شریعت‌گه ضد عمل‌لرگه قول اورمسلیک‌لری لازم دیگن.
بو بیرینچی مرته ایمس مسجد امامی اوقوچوسی‌نی مسجد ایچیده زورلمسه، بو قبل واقعه لر هنوزگچه نیچه مرته عملگه آشیریلگن.
بوندن نیچه وقت الدین قندوز ولایتیده هم بیرملا یاش بیر قیزنی جنسی خورله‌گن ایدی.
