پلخمری شهریده قطار مدنی فعال‌لر و اوقووچی‌لرنینگ عایله اعضالری، درس کتاب‌لری عدالت سیزلیک‌ده ترقه‌تیلیشی‌دن شکایت قیلیب ایتیشیچه، تعلیمات ییلی باشلنگنی‌دن کمیده بیر آی اوته‌دی، بیراق کوپینچه مکتب‌لر حاضرگچه فرزندلریگه کتاب بیرمه‌گن. اولرنینگ ایتیشیچه، مکتب‌لرنینگ درس کتاب‌لری ایرکین شکلده شهرده ساتیله‌دی.
اوقووچی‌لرنینگ عایله‌لریگه کوره، اورگه‌تیش و تربیه‌لش ریاستی‌نینگ قطار ملازم‌لری، درس کتاب‌لرینی ساته‌دیلر.
اوقووچی‌لردن بیری‌نینگ آته‌سی محمد غنی سلام‌وطندار بیلن اوتکزگن صحبتیده ایتیشیچه، فرزندلری درس کتاب‌لرینی بازاردن ساتیب آلیش‌لری توغریسیده اوقیتووچیلر تامانیدن تهدید ایتیلگن. اونینگ ایتیشیچه، اهالی‌نی کوپینچه‌سی بیر جلد کتاب هم ساتیب آله آلمه‌یدی.
شونینگ‌دیک، بغلان مدنی فعال‌لریدن بیری عبدالفتاح عطایی‌نینگ ایتیشیچه، اورگه‌تیش و تربیه‌لش کتاب‌لری یخشی صفت بیلن چاپ ایتیلگن، بیراق آز بها بیلن شهرده‌گی کتاب ساتووچی دوکانلرده ساتیله‌دی.
جناب عطایی‌گه کوره، عایله‌لردن کوپینچه‌سی فرزندلریگه کتاب ساتیب آلیب بیره آلمه‌یدی و بو وضعیت دوام ایتگن تقدیرده، اوقووچی‌لر درس‌دن قالیشی ممکن.
بغلان ولایتی‌نینگ اوقووچی‌لریدن بیری عبدالله‌نینگ ایتیشیچه، برچه کتاب‌لرینی اورگه‌تیش و تربیه‌لش ریاستی (معارف) ده ایشله‌یدیگن قرینداشلریدن قولگه کیریته‌دی. اونگه کوره، معارف ریاستی‌ده تانیشی بولمه‌گن اوقووچی‌لر، درس کتاب‌لرینی بازاردن ساتیب آلیش‌گه مجبور بوله‌دیلر.
عایله‌سی 16 جلد کتاب پولی‌نی قرض قیلگن باشقه بیر اوقووچی رامش‌نینگ ایتیشیچه، کتابی یوقلیگی‌دن اوقیتووچیلر تامانیدن کتاب‌لرینی بیتتیریش اوچون تهدید بولر ایکن.
سلام‌وطندار بیلن صحبت اوتکزگن بغلان ولایتی‌نینگ اورگه‌تیش و تربیه‌لش ریاستی (معارف) باشلیغی غلام محی‌الدین پیکان حیدری‌نینگ ایتیشیچه، اولر ولایت‌ده‌گی اوقووچی‌لردن 80 فایزی‌گه کتاب ترقه‌تگن، بیراق مکتب‌لرده ترقه‌تیلیشی‌گه عدالت نظرگه آلینمه‌گن. اونینگ ایتیشیچه، مکتب‌لرنینگ درس کتاب‌لرینی بازارلرده ساتیش جرم سنله‌دی و اولر، مکتب‌لرنینگ کتاب‌لری بازارلرده ساتیلیشی آلدی آلینیشی خصوصیده، جدی چاره تدبیر کورگن‌لر.
جناب حیدری‌نینگ کوپه‌یتیریشیچه، اورگه‌تیش و تربیه‌لش (معارف) وزیرلیگی، هر اوچ ییل‌ده ینگی کتاب ترقه‌ته‌دی و بو ییل 161390 جلد کتاب نیاز بولگن.
