.jpg)
قندوز ولایتیدن بولگن «مستعار آت» نویداحمد آتلی ییگیت اوتگن ییل اَبهسینینگ ایستهگی بیلن ایران گه یول آلهدی. 25 یاشیده بولگن نوید مکتب اوقیمهگن. او، تورت ییل آلدین قندوز-بغلان قتناو یولیده ترافیکی بیر حادثهده آتهسینینگ قولدن بیرگن و او حادثهدن سونگ، تورت کیشیلیک بولگن عایلهسینینگ مسؤولیتی اونینگ اوستیگه توشگن.
نوید قول ساتووچیلیک قیلیب و قولگه کیریتگن درآمدی گه قانیقیب تینچلیکده حیات کیچیرر ایکن. نویدنینگ ایران ده یشهیدیگن اَبهسی ایریم پیتلر نویدنینگ عایلهسی گه پول یوباریب و بو پولنی اوی کراسی قیلر ایکن. نیچه ییلدن سونگ، نویدنینگ اَبهسی اولرنینگ ایران کیلیشی و او ییرده ینگی بیر حیات قوریش گه مجبورلهیدی. نوید اویینینگ لوازملرینی لیلام قیلیب آنهسی و ایکی کیچیک سینگلیسی بیلن بیرگه نامعلوم یولگه توشهدی.
اولر بیرینچیدن کابل کیلگنلر. کابلده ایلگریدن ابهسی آرقهلی هماهنگ قیلینگن قاچاقچیلرنی بیری تانیشهدی. قاچاقچی اولرنینگ مشهدگه ییتکزیشی توغریسیده سوز بیرگن. بیراق، ایران چیگرهسی گه ییتیشگنیدن سونگ، نوید و عایلهسینی باشقه بیر قاچاقچی گه تاپشیرگن. یول جریانیده قاچاقچیلر یولاوچیلرگه قرشی زوروانلیکدن فایدهلنگن، ایرککلرنی عیاللردن اجرهتگن و شونینگدیک، یولاوچیلر قورقیشدن هیچ نرسه دییه آلمهگنلر.
نوید ایران ده ایکی آینینگ اوزکزگنیدن سونگ، ابهسینینگ ایستهگی بیلن بیر باغ ده ایش گه کیرهدی و آنهسی قوشنیلردن بیرینینگ اوییده ایشلهیدی. بیراق، برچه درآمدلرینی ابهسی چونتهگی گه اورهدی و اولرگه هیچ نرسه بیرمهیدی.
بیر ییلدن سونگ، نوید و ایکی همراهی ایران پولیسی تامانیدن قولگه آلینهدی. اونینگ ایتیشیچه، قماقخانهده کلتکلنهدی و قماقخانهچیلر اولرنینگ قماقخانه تشنابلرینی تازهلشگه مجبورلهیدی.
نوید حاضر عایلهسیدن اوزاقده یشهیدی و کونده هر تامان باش اوریب و عایلهسینینگ ابهسینی قمراویدن چیقاریش اوچون پول تاپیش خصوصیده سعی و حرکت قیلهدی.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن. اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
.jpg)
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 8- مادهسی و بیشینچی بندی ده مدنیت و معلومات وزیرلیگینینگ مسؤولیتی توغریسیده بوندهی دییلگن:
- مدنیت و معلومات وزیرلیگی، انسان قاچاقی و مهاجرلر قاچاقینینگ جنایتلرینی تأثیری، سببی و عامللری توغریسیده معلومات بیریش اوچون خصوصی میدیالرنینگ همکارلیکلرینی جلب قیلیب و رادیو و تلویزیون برنامهلرنی شو موضوع اساسیده عیارلب اهالی گه معلومات بیریب و مسؤول ادارهلرگه بویروغ و فرمان صادر قیلیشی کیرهک.
- شونینگدیک، انسان قاچاقی و مهاجرلر قاچاقینینگ جنایتلرینی نتیجهسی و سببلری خصوصیده، تلویزیونی، رادیویی برنامهلر توزهتیب، نشر قیلیب و شونینگدیک، اخبارات، جریده و کوندهلیکلر آرقهلی انسان قاچاقی و مهاجرلر قاچاقی گه قرشی کورهشی لازم.
نویداحمد کبی یاشلر و اوسمیرلر مدنیت و معلومات وزیرلیگی، دولتی و خصوصی میدیالرنینگ معلوماتی برنامهلری آرقهلی انسان قاچاقی و مهاجرلر قاچاقیدن آگاهلنتیریلگن صورتده، انسان قاچاقچیلرینینگ دامی گه توشیب و زورلنمهیدیلر.
قندوز ولایتیده انسان حقلری ایرکین کمیسیونینینگ حقوقی بولیم مسؤولی بسمالله وزیرینینگ ایتیشیچه، نویداحمدنینگ اوستیدن اوتگن موضوع انسان قاچاقی و مهاجرلر قاچاقی جنایتیدن دلالت بیرهدی. جناب وزیری گه کوره، انسان قاچاقی و مهاجرلر قاچاقی ایچکی و خلق ارا قانونی اساسیده، جنایت سنلهدی.
قندوز ولایتیده مهاجرلر و باشپناهایزلاوچیلر ریاستینی حسابات مدیری محمدعیسی ساحلنینگ ایتیشیچه، مذکور ادارهده هر ییل افغانستاندن مهاجر بولهدیگن یاشلرنینگ دقیقی رقمی رویخطگه آلینمهگن. جناب ساحل گه کوره، میلادی 2018- ییلده 952 عایله ایراندن قندوزگه قیتگن و بو ریاستده رویخطگه آلینیب و راجستر بولگن.
بو گزارشده انسان قاچاقی و مهاجرلر قاچاقی بوییچه جنایتلرگه قرشی کورهش مدیریتینینگ فکرینی اورگهنیب و قندوز ولایتیده انسان قاچاقی و مهاجرلر قاچاقی سبب بولگن قضیهلردن قنچهسی تیکشیریلگنینی مطرح قیلماقچی بولدیک، بیراق ایچکی ایشلر وزیرلیگی تامانیدن بیریلگن فرمان اساسیده، مذکور مدیریت مسؤوللری جواب بیریشگه حاضر بولمهگنلر.
