بغلان ولایتی معارف ریاستی نینگ ملازم‌لری ناراضیلیک بیلدیریب، مذکور ریاست ایشیگینی اهالی یوزگه یاپگن‌لر.
مذکور ریاست ملازم‌لری‌نینگ ایتیشیچه، بو ریاست ایکّی سرپرست آرقه‌لی باشقریله‌دی و بو وضعیت ایسه قانیقرلی ایمس.
اعتراضچی‌لرنینگ ایتیشیچه، معارف وزیرلیگی مسوول‌لری، بو ریاست اوچون رسمی بیر مسوول تانیشتیرمه گن حالده، اعتراضلریگه دوام بیره‌دیلر.
بغلان ولایتی معارف اداره سی باشلیغی حبیب الله ظریفی حیات‌دن کوز یومیشی بیلن، بو ریاست لوازمی اوستی‌گه جنجال‌لر تاپیلگنی ایتیله‌دی.
جناب ظریفی وفاتی‌دن ایتگن‌دن سونگ، مذکور ریاست مسلکی و تخنیکی اورین باسری عبدالرشید بو ریاست‌گه سرپرست صفتی‌ده تانیشتیرگن.
بیراق، اوشبو ریاست نینگ اداری اورین باسری عبدالقادر رسولی اوتکن دوشنبه کونی بغلان ولایتی معارف ریاستی اوچون سرپرستلیک مکتوب کیلتیریب بو لوازم نی ایگله لگن.
حاضرگه قدر معارف وزیرلیگی بو توغریده قنده‌ی قرار آلگنی انیق ایمس.
