بغلان خوفسیزلیک مسئوللری نینگ ایتیشیچه، ولایتی کینگش اورین‌باسری شمس‌الحق بارکزی و محلی پولیس قومندانی محمدامین اکاخیل آره‌سیده یوزبیرگن آتیشمه‌ده، 1 کیشی هلاک و پولیس قومندانی و ولایتی کینگش اورین‌باسری شامل باشقه 7 کیشی یره‌لنگن.
سلام‌وطندارگه صحبت بیرگن بغلان پولیسی سوزلاوچیسی محمدجاوید بشارت نینگ ایتیشیچه، اوشبو آتیشمه اوتگن کون (10- میزان چهارشنبه کونی) کیچ قورون پولیس قومندانلیگی بناسی ایچیده لفظی بیر تارتیشوودن کیین یوزبیرگن.
جناب بشارت نینگ ایتیشیچه، مذکور آتیشمه‌ده بغلان پولیس قومندانی نیازمحمد نیازمند و ولایتی کینگش اورین‌باسری شمس‌الحق بارکزی ایکی عسکر و اوچ محلی پولیس قومندانی بیلن تن‌جراحتی کوتارگن.
اونگه کوره، آتیشمه جریانیده محلی پولیس قومندانی محمدامین اکاخیل نینگ ایناغه‌سی هلاک ایتیلگن.
آتی فاش ایتیلیشی نی ایستمه‌گن بغلان خوفسیزلیک منبع‌‍لری نینگ سلام‌وطندارگه ایتیشیچه، ولایتی کینگش اورین‌باسری شمس‌الحق بارکزی، محمدامین اکاخیل نینگ بغلان محلی پولیس قومندانی صفتیده تانیشتیریلیشی گه توسیق بولگه حالده بو آتیشمه یوزبیرگن.
مذکور آتیشمه جریانیده یره‌لنگن محلی پولیس قومندانی، ولایتی کینگش اورین‌باسری قوروقچی‌لری نینگ قورال بیلن پولیس قومندانلیگی بناسیده کیرگنیدن تنقید قیلیب و بو توغریده پولیس قومندانی نینگ توجه‌سیزلیک‌که عیبله‌یدی.
شونینگدیک بغلان‌ده اردو اوچینچی لوا قومندانی عباس توکلی اوشبو حادثه نی تصدیقله‌گن.
ایچکی ایشلر وزیرلیگی سوزلاوچیسی نصرت رحیمی بیر توییت یازیب، مذکور حادثه‌نی تیکشیریش اوچون بیر هیأت تعیین ایتیلگن دیدی.
پلخمری شهری یشاوچی‌لریدن قطاری محلی پولیس اقارب‌لری بیلن ناراضلیک بیر نمایش یولگه قوییب، پولیس قومندانلیگی ایچیده یوزبیرگن آتیشمه‌نی سوراقلی دیدیلر.
اولر، حکومتدن عدالت ایسته‌گنلر.
بغلان ولایتی کینگش اورین‌باسری و پولیس قومندانی بو توغریده صحبت بیریش گه حاضر بولمه‌گن.
