.jpg)
بغلان ولایت مرکزی پلخمری شهرنینگ سرخ کوتل منطقه‌سی نینگ بیر قنچه اهالی‌سی، قوراللی طالب‌لر بو منطقه‌نی افغان ملی کوچلریگه بیرمس‌دن آلدین اهالی‌نینگ یشش اویلرینی اوتگه یاندیریب روزغار اسباب‌لرینی اوزلری بیلن آلیب کیتگن‌لر دیگن‌لر.
سرخ کوتل قیشلاغی‌نینگ یشاووچی‌لری حبیب الله و حاجی قمرالدین‌لرنینگ سلام‌وطندارگه ایتیشلریچه، افغان ملی کوچلری مذکور منطقه‌لرنی قوراللی طالب‌لر اشغالی‌دن آزاد ایتگن‌دن کیین قیشلاق اهالی‌سی هم اوز یشش اویلرگه قیتگن‌لر. قیشلاق اهالی‌سی اوی جایلریگه قیتگن‌دن کیین عایله‌نینگ بار یوغی عصیانچی طالب‌لر تامانیدن تالان – تاراج ایتیلگن لیگیگه گواه بولگنلر.
محل اهالی‌سی‌گه کوره، جنگری طالب‌لر خلق‌نینگ اوی جاینی تاراج تالان قیلگن‌لیک بیلن قناعت لنمی بیر قنچه اویلرگه ماین ایکیب کیتگن‌لر. شونینگ‌دیک اهالی، جنگری طالب‌لر محل‌نی ترک قیلیش بیلن سرخ کوتل بازارینی هم اوتگه یاندیریب کیتگن لر دیگن‌لر.
بغلان ولایتی‌ده قوراللی طالب‌لرگه قرشی اوروش‌نی باشقره دیگن ملی اردونینگ مخصوص کوچلری‌نینگ اونینچی قطعه سی قوماندانی جنرال محمد علی‌یزدانی نینگ سلام‌وطندراگه بیرگن صحتب ده ایتیشیچه، جنگری طالب‌لر اوزلرنی مالی امکانیت گه ایگه قیلیش اوچون سرخ کوتل‌ده اوروش‌گه دوام بیره دیلر. عین حالده، جنگریلر بو منطقه‌ده ییرله‌شیب قالیش بیلن اهالی‌دن عشر ذکات آلیشی ایتیله‌دی.
.jpg)
تینچ اهالی‌نینگ اویی جایی دولت قوراللی مخالف‌لری تامانیدن اوتگه یاندیریلگن لیگی‌نی تصدیق ایتگن جناب یزدانی، جنگریلر اهالی اویینی نابود قیلیش، بار یوغینی تاراج – تالان قیلیش و مملکت‌نی نابرقرار قیلیش اوچون بیگانه لردن دستور آله دیلر دیگن.
عین حالده، دندغوری‌ده‌گی قوراللی طالب‌لرنیگ حربی قوماندانی مولوی حلال قیشلاق اهالی‌سی بو ادعالرینی رد قیلیب، خلق اویینی اویت‌گه یاندیریب تاراج و تلان قیلیش افغانستان ملی کوچلری‌نینگ ایشی دیگن. ملی کوچلر بو ایش‌لری بیلن طالب‌لرنی بد نام قیلیش اوچون اولگوره دیلر دیگن.
جنگری طالب لر بوندن 20 کون آلدین پلخمری شهرینینگ سرخ کوتل و چشمه‌شیر منطقه‌سی‌نی اوز اشغالی‌گه آلگن ایدی. اما، افغانستان ملی کوچلری ینگی‌دن ییریک حربی عملیات اوتکزیش بیلن اوشبو منطقه‌لرنی دولت قوراللی مخالف‌لری نظارتی‌دن چیقارگن‌لر.
