بغلان ولایتی‌نینگ دندغوری تومنی‌ده توقنه‌شوولر باعث مینگ‌دن آشه عایله بدرغه بولگن.
بو بدرغه بولگن‌لردن بیرقطاری‌نینگ سلام‌وطندارگه ایتیشیچه، بیر هفته‌دن بویان منطقه‌لریده امنیتی کوچلر و طالب‌لر اورته‌سیده توقنه‌شوولر دوام ایتماقده. اولرنینگ بیلدیریشیچه، حاضرگه‌قدر بو اوروش‌ده نیچه تینچ اهالی هلاک بولگن و باشقه بیرقطاری یره‌لنگن.
بدرغه بولگن‌لرنینگ ایتیشیچه، توقنه‌شوولر، اولرنینگ اوی و جای‌لرینی ترک ایتیش‌گه مجبور قیلگن و حاضر پلخمری شهری، دهنه‌غوری، گوهرگان، مرکزی بغلان تومن‌لری و مذکور ولایت باشقه منطقه‌لریده حیات کیچره‌دیلر.
بو بدرغه بولگن‌لرنینگ کوپه‌یتیریشیچه، حاضرگچه اولرگه دولت و یاردم بیروچی مؤسسه‌لر تامانیدن یاردم بیریلمه‌گن، روزه آیی و یاز ایسیق‌لیگی باعث، جدی قیینچی‌لیک‌لرگه روپه‌ره بولگن‌لر.
بدرغه بولگن‌لردن بیری اخترگل‌نینگ سلام‌وطندارگه ایتیشیچه، حاضر دندغوریده یمان وضعیت حاکم بولگن و اوروش خلق اوی‌لریده دوام ایتماقده.
آواره‌لردن باشقه بیری نیازالله‌نینگ ایتیشیچه، توقنه‌شوولر باعث، دندغوری اهالیسی روزه آیی‌ده اوی‌لریدن قاچیب چیقگن‌لر.
بدرغه بولگن‌لرگه کوره، اویلریگه کیکسه و کسل‌کیشی‌لر قالگن و باشقه اهالی قاچیش‌گه مجبور بولگن.
عین حالده، بغلان پولیس قومندانی عبدالجبار پردلی، دندغوری یشاوچیلری بدرغه بولگنی‌نی تائیدقیلیب ایتیشیچه، مذکور تومن‌ده امنیتی‌کوچلر و طالب‌لر اورته‌سیده‌گی اوروش، جنگری طالب‌لر تامانیدن بغلان ولایتی مرکزی پلخمری شهری اوستی‌گه راکتی هجوم اویوشتیریلگنی‌دن کیین باشلنگن.
اونگه کوره، حاضرگچه دندغوری منطقه‌سیده امنیتی‌کوچلر و طالب‌لر اورته‌سیده توقنه‌شوولر دوام ایتماقده.
دیمک فاریاب ولایتی شیرین تگاب تومنی‌ده طالب‌لر و امنیتی‌کوچلر اورته‌سیده یوزبیرگن توقنه‌شوولر سبب شونینگ‌دیک اونلرچه عایله آواره بولگن.
