قوراللی طالبلرنینگ قاضیسی بیر عیالنی جنسی تجاوز ایتگن. واقعه بغلان ولایتی‌ده روی بیرگن.
بغلان ولایتی دوشی تومنی نینگ امنیتی بیر ملازمی نامی فاش قیلینمسلیک شرطی بیلن سلام‌وطندارگه صحبت بیریب، حادثه طالبلرنینگ قاضسی دوشی تومنیده بیر اویده مهمان بولگن پئیت یوز بیرگن دیدی. اوشبو قاضی کیچه نینگ قرانغوسی‌دن فایده‌له‌نیب اوشبو عیالنی جنسی تجاوز قیلگن.
منبع نینگ بیلدیریشیچه، واقعه زو‌رآبی کیله‌گی منطقه‌سیده روی بیرگن. ایتیلیشیچه، اوی ایگه‌سی نینگ قوراللی طالبلر بیلن آلدین‌دن مناسبتی بولگن.
منبع نینگ نینگ معلوماتیگه کوره، حاضر روز‌آبی منطقه‌سیده حیات کیچیره دیگن بغلان ولایتی اوچون قوراللی طالبلرنینگ والیسی صفتیده خذمت قیله دیگن شخص، جنسی تجاوزگه عیبلنگن قاضی همده اوی ایگه‌سینی چقیرتیریب، واقعه یاروتیلیشی اوچون کمیسیون تشکیل ایتگن.
حادثه‌نی تصدیق ایتگن دوشی تومنی نینگ حاکمی شمس‌الدین سرحدی، قاضی نینگ آتی لعل محمد ایکن لیگینی بیلدیردی. دوشی تومنی نینگ حاکمی، مساله‌نی تیکشیریش اوچون قوراللی طالبلر تامانیدن ایجاد بولگن کمیسیون‌ده لعل محمد اوزینی مدافعه قیلیب، بوتون عیبلاولرنی رد قیلگن.
بو باره‌ده هنوزگچه طالبان ییتکرمه‌لرگه بیرار نرسه دیمه‌گن.
