.jpg)
بغلان ولایتی‌نینگ نهرین تومنی‌ده نیچه کون آلدین، محل قوم بویوک‌لری‌نینگ کیلیشووی اساس، خولی‌گه بیریلگن 8 یاشر قیز، گروهی شکلده جنسی زورلنگن.
بغلان ولایتی مدنی جماعه‌چیلیک ترماغی نینگ دادخواه‌لیک کمیته مسؤولی داکتر محمدعثمان شیرزی اوتگن جمعه کون میدیا بیلن صحبت اوتکزگن بیرچاغیده، مذکور یاش قیز 15 کون آلدین، نامزد بولگن سینگلیسی اویی‌دن قاچیش‌گه عیب‌لنیب و بیر صحرایی محکمه اساس، زوره‌وانلیک‌ده سینگلیسی‌نینگ نامزدی بیلن تورموش‌گه چیقاریلگنینی ایتگن.
ایتیلیشیچه، اوشبو صحرایی محکمه‌ده قطار دین عالم‌لری هم اشتراک ایتگن.
بغلان ولایتی‌نینگ عیال‌لری ریاستی و امنیتی رسمی‌لری، حاضرگچه بو موضوع‌نی رسمی شکلده تأیید قیلمه‌گن. بیراق بغلان عامه ساغلیک ریاستی‌نینگ منبع‌لریدن بیری آتی فاش ایتیلیشی‌نی ایستمه‌ی سلام‌وطندار بیلن اوتکزگن صحبتیده، بو موضوع‌نی تصدیق‌لگن.
بغلان مدنی جماعه‌چیلیک ترماغی‌نینگ اعضالری، مذکور ولایت‌نینگ امنیتی رسمی‌لری و عیال‌لرنینگ حقی‌دن حمایه قیلووچی اداره‌لردن اوشبو قضیه‌نی جدی شکلده تیکشیریب و حادثه عامل‌لرینی قولگه آلیب مملکت قضایی اداره‌سیگه تاپشیریش‌لرینی سوره‌گن.
