.jpg)
اوتگن بیر آیده بغلان ولایتیده داکترلرنینگ توجهسیزلیگی باعث 30 باله هلاک بولگن.
بغلان ولایتینینگ قطار یشاوچیلری اوشبو ولایت ولایتی کسلخانهسی نینگ باله توغروق خانه بولیمیدهگی داکترلرنینگ توجه سیزلیگیدن تنقید قیلیب ایتیشلریچه، داکترلرنینگ توجهسیزلیگی باعث قطار بالهلر هلاک یا-ده تورلی کسللیکلرگه یولیقهدیلر.
اولرنینگ ایتیشیچه، اوشبو کسلخانهده تعیین ایتیلگن ینگی نرسلر آمپول و سیروم نی قندی اوتکزیلیشی نی بیلمهیدیلر.
بغلانده بالهلرنی سقلش اداره مسئولی غلامرسول قانع، داکترلرنینگ ناتوغری حرکتلرینی تَن آلیب و سابق هفتهلرگه قرهگنده اوتگن هفته بالهلر اولیمی کوپهیگنیدن خبر بیرهدی.
.jpg)
شونینگدیک بغلان ولایتی کسلخانهسی باش داکتری محمدانور وردک ولایتی کسلخانه ایشلاوچیلری نینگ ناتوغری حرکتلرینی تصدیقلب ایتیشیچه، اوتگن بیر آیده بیر مینگ دن آرتیق باله بو کسلخانه گه انتقال بیریلگن کیم اولردن کوپینچهسی کوکرک کسللیگی یولیقگن ایکن و بولردن 30 تهسی اوز وقتی گه کسلخانه گه ییتیشمسلیگی اوچون جان بیرگن.
بغلان ولایتی کسلخانهسی باشلیغی داکتر یوقلیگی و یاتاق کملیگی نی بالهلر اولیمی کوپهیشی نینگ اصلی عاملی دیب ایتیشیچه، مذکور کسلخانه نینگ توغروق خانه بولیمی نی 30 یاتاقی بار؛ بیراق 90 دن آرتیق باله او ییرده یاتقیزیلگن.
