د بغلان یوشمېر ځوانانو او مدني فعالانو نن د اعتراض په توګه د دې ولایت جنازه له دهنباغه د ارګ خوا ته یووړه.
دوی وايي، بغلان کې د ناامنۍ او نامتوازنې پراختیا ترڅنګ ګڼې ستونزې شته او حکومت یې باید د حل لهپار اقدام وکړي.
د بغلان یو مدني فعال بشیراخندزاده وايي، دا کار د بغلان ژغورنې لهپاره کوي او له ولسمشره غواړي چې یاد ولایت وژغوري یا یې هم فاتحه واخلي.
د دې ولایت یو بل مدني فعال عبدالقدوس وايي، شاوخوا ۶۰ ځوانان له بغلانه کابل ته راغلي او دلته تر یوشمېر نورو بغلانیانو سره تر یوځای کېدو وروسته د ارګ دروازه وټکوي.
نوموړی زیاتوي، په خپل مدني حرکت سره غواړو له ولسمشر سره وګورو او د یاد ولایت ستونزې ورپه ګوته کړو چې د حل لهپاره یې لاس پهکار شي.
دا په داسې حال کې ده چې تر دې وړاندې هم په بغلان ولایت کې د ناامنیو او نورو ستونزو په اړه راپورونه خپاره شوي، خو حکومت یې تراوسه په اړه د پام وړ اقدام کړی نهدی.
