د ټاکنو خپلواک کمېسیون مسوولان واييو د رایهورکوونکیو نوملیکنې بهیر په دریم پړاو کې، په کلیو او بانډو کې د نوملیکنې له ۲۹۱۷ مرکزونو نږدې نیمايي يې د جګړې او ناامنیو له امله بند دي.
د ټاکنو خپلواک کمېسیون مرستیال ویاند عبدالعزیز ابراهیمي سلاموطندار ته وویل د هېواد کلیو او بانډو په کچه ۱۳۷۵ د نوملیکنې مرکزونه تړلي پاتې دي.
عبدالعزیز، په غزني کې د ټاکنو خپلواک کمېسیون ولایتي دفتر تړل کیدو په اړه وايي چې کمېسیون په دغه ولایت کې د نوملیکنې بهیر نه پلي کیدو په اړه سخت اندیښمن دی.
د دې کمېسیون د شمېرو پربنسټ د نوملیکنې درېیو پړاونو کې تراوسه څه باندې ۶ میلیونو او ۶۰۰ زرو کسانو راتلونکیو ټاکنو ته نوملیکنه کړې او ډیرژر به څلورم پړاو چې د ملي اردو، پولیسو او ملي امنیت ځواکونو نوملیکنې بهیر دی پیل شي.
