بغلان ولایتیده عیاللر ایشلری بوییچه ریاست مسؤوللری‌نینگ ایتیشیچه، اوشبو ولایتده اوتگن 10 آی جریانیده عیاللرگه قرشی 13 قتل، ایکی اوغیرلیک و جنسی زورلش رویخط‌گه آلینگن.
بغلان ولایتیده عیاللر ایشلری بوییچه ریاست باشلیغی خدیجه یقین‌نینگ ایتیشیچه، اوتگن بیر آیده مذکور ولایت‌نینگ پلخمری شهری و باشقه نیچه تومنیده عیاللر و قیزلرنینگ 4 قتلی‌گه گواه بولگن‌لر.
خانم یقین، اوشبو واقعه‌لرنینگ اصلی عاملی عایله‌وی زوره‌وانلیک‌لر، ناقانونی قوراللی گروه‌لر آره‌سیده آتیشمه‌لر یوز بیریشی، زوره‌وان کیشی‌لر موجودلیگی، شخصی خصومت‌لر و تومن‌لرده عیال و ییترلیچه پولیس یوقلیگی دیب بیله‌دی.
بغلان ولایتیده عیاللر ایشلری بوییچه ریاست باشلیغی‌گه کوره، ایسلنگن قضیه‌لردن یالغیز 3 ته‌سی پولیس تامانیدن تیکشیریلگن و باشقه 10 عیال‌نینگ قتلی‌گه عامل بولگن‌لر قاچیب یورگن.
ینگی‌لیک‌ده پلخمری شهری‌نینگ اوچینچی ناحیه‌سیده اوقووچی بیر قیز آتیب اولدیریلدی؛ حاضرگچه واقعه سببی بیللی بولمه‌گن و شونینگ‌دیک، قاتل قولگه آلینمه‌گن.
