افغانستان باشکینتی کابل، دشت برچی گه عاید سنکر منطقه‌سی‌نینگ اهالیسی عصری حیات نعمت‌لریدن کوپینچه‌سینی یانیده برق انرژیسی‌دن هم محروم قالگن‌لر. اوشبو منطقه‌گه دولت تامانیدن برق پایه‌لری تارتیلگن، بیراق برق دن هیچ بیر خبر یوق دیر. بدلی‌ده اولرگه اویلرینی یاروغ و تلیفونلرینی چارج قیلیش اوچون قویاش آرقه‌لی برق بیره‌دیگن سولر ترقه‌تگن.
قویاش آرقه‌لی بیریله‌دیگن برق شهر یشاوچیلری‌نینگ تیریکچیلیگی‌ده قنچه‌لیک اوزگریش کیلتیرگنینی بیلیش اوچون سنکر منطقه‌سیگه باردیم. سنکر دشت برچی‌نینگ اوزاق و بیر چیککه‌سیده جایلگن؛ شهر و قیشلاق آره‌سیده بولگن بیر جای دیر. توپراقلی جاده‌نی گیزدیک. جاده ده هیچ بیر موتر یوق ایدی. اهالی موتر کراسی یوقاری بولگنی باعث، پیاده کیلیب و پیاده کیته‌دیلر.
جاده‌نی چیککه‌سیده توپراققه باتگن بیر کیشی گه کوزیم توشدی. طاهر مذکور منطقه اهالیسی‌دن ایدی. اوندن سوره‌دیم، سنکر اهالیسی سولردن فایده‌لنه‌دیمی؟ کولگو بیلن جواب بیردی، قشاق و چاره‌سیز کیشی‌لردن باشقه کیم سولردن فایده‌لنه‌دی! شونده‌ی بیرحالده، دواملی برقلردن فایده‌لنیش حاضرگی کونلرده یوقاری صورتده رواجلنگن مملکت‌لرده دیماقچی بولدیم؛ لیکن اوزیم‌نینگ توتدیم. طاهر دوام بیریب و ایتیشیچه، 7 کیشی‌لیک عایله گه نان بیره‌دی و دشت برچی بازاریده پنچر آله‌دیگن دکانی بار و کونده اورته‌لیک درآمدی 200 افغانی بوله‌دی. قولیده‌گی نانی و کوک اوتی بیلن می‌نینگ قویاش آرقه‌لی اویی‌نی یاروغ قیله‌دیگن سولرنی کورسه‌تیش اویی‌گه چقیردی.
اوی ایمس ایدی؛ تورت دیوارلیک بیر جای ایدی و دیوارنی چیککه‌سیده بیر سولر و قویاش یاغدوسی آستیده بیر باطری جایلشتیریلگن. طاهرنینگ سولرگه اشاره قیلیب ایتیشیچه، بو سولردن یالغیز بیر گروپ و تلیفون‌نی چارج قیلیش اوچون فایده‌لنه‌دی. طاهرنینگ ایتیشیچه، قویاشلی کونلرده سولر یخشی چارج بوله‌دی؛ بیراق بولوتلی و یامغیرلی کونلرده عایله اعضالری بیر-بیراوی‌نینگ شمع و نفتی چراغ یاغدوسیده کوره‌دیلر.
طاهرنینگ اویی‌نی نیچه قدم‌لیگی‌ده ایکی سطل توله سوو بیلن اویی‌گه کیته‌یاتگن بیر عیال بیلن اوچره‌شدیم. شایسته 6 فرزندنینگ آنه‌سی دیر و کوپ ییل‌لردن بویان سنکرده سنگر آلگن. لیکن شایسته ترقه‌تیلگن سولردن خرسند کورینه‌دی و اونینگ ایتیشیچه، اوتمیش‌لرده شو هم یوق ایدی و برچه کیچه ساعت 7 ده اویقوگه کیتردی؛ چونکه اویغاق قالیش و اولتیریب قره‌ش‌گه هیچ بیر نرسه یوق ایکن.
شایسته هم برق پایه‌لریگه اشاره قیلیب و نیچه ییل‌دن بویان بو پایه‌لردن برق اوتمه‌گنیدن گِله قیله‌دی. شایسته گه کوره، بونده‌ی خذمت تینگ رواحلنیش‌دن گپیره‌دیگن دولت شهنی گه ایمس دیر. شایسته‌نینگ امید قیلیشیچه، کونلردن بیر کون اویی‌نینگ برچه چراغلری یاروغ بولیب و او تلویزیون ساتیب و ایزله‌شی کیره‌ک.
سنکر اهالیسی‌نینگ حال و احوالی و روایت‌لرینی برشنا شرکتی سوزلاوچیسی وحیدالله توحیدی گه ییتکیزدیم. توحیدی چیدم بیلن سوزلریم گه قولاق سالدی و اوندن سونگ، سنکر اهالیسی آره‌سیده سولر و برق ترقه‌تیلیشی اوچون برشنا شرکتی برنامه‌لریدن خبر بیردی. اونینگ ایتیشیچه، قشاق عایله‌لرگه سولر ترقه‌تیش برشنا شرکتی برنامه‌لریدن بولیب و آسیا ترقیات بانکی همکارلیگی‌ده قیسقه مدتده عمل‌گه آشیریله‌دی.
جناب توحیدی‌نینگ ایشانچی گه کوره، حاضرگی شرایط‌ده قارانغولیک‌که قرشی کوره‌ش اوچون بو بیرینچی یول دیر. اونگه کوره، حاضرگه‌قدر سروبی، خاک‌جبار، دشت برچی و مملکت گه قیتگن مهاجرلر آره‌سیده بیر مینگ دن آرتیق سولر ترقه‌تیلگن.
بیراق، جناب توحیدی‌نینگ نظریده سولر یاغدوسینی قدرتی طاهر ادعا قیلگن نرسه‌دن یوقاری دیر. جناب توحیدی‌نینگ ایشانچی گه کوره، بیر صحیفه سولر بیر گروپ گه 70 ساعت برق بیره‌دی. اونینگ ایتیشیچه، برشنا شرکتی تامانیدن مملکت چیگره منطقه‌لری اهالیسی موزلتمه، تلویزیون، کییم یووه‌دیگن ماشین و ییگولیک آوقت پیشیره‌دیگن دستگاه‌لرگه ایش بیره‌دیگن تورت صحیفه‌لیک 33 مینگ سولر ترقه‌تگن.
برشنا شرکتی مسؤول‌لری‌نینگ ایتیشیچه، دولتی اداره‌لرنینگ 15 میگاوات برقی‌نی سولر آرقه‌لی تأمین‌لش گه قرار قیلگن‌لر.
مملکت نینگ ایریم شهرلری، باشکینت اطرافی و اوزاق منطقه‌لرنینگ اهالیسی سولردن فایده‌لنگن‌لری باعث، وارداتی برق دن محروم بولگن‌لر، بیراق کمیده اویلریدن بیرینی یاروغ قیلیب و اوتمیش زمانلردن کوره جوده هم یخشی بولگن.
