افغانستان ملی بیرلیک حکومت اجراییه باشلیغی عبدالله عبدالله رهبرلیگی ده بولگن برقرارلیک و یقینلیک سیلاو تیمی نینگ طرفدارلری بلخ، فاریاب، کاپیسا، جوزجان، سرپل، غور، سمنگان و بغلان ولایت‌لریده آوازلرنی قیته سنه ش جریانی گه توسیق بولیشگن.
بلخ ولایتیده برقرارلیک و یقینلیک سیلاو تیم نظارتچی لری نینگ ایتیشیچه، آوازلرنی قیته سنه‌ش جریانی بوگون ایرته‌لب ساعت 8 دن مذکور تیم نینگ نماینده‌لرینی حضوریده باشله‌نیشی خصوصیده قرار قیلینگن ایکن، بیراق بلخ ولایتی بوییچه سیلاو کمیسیونی نینگ ولایتی دفتری، ساعت 8 دن آلدین برقرارلیک و یقینلیک سیلاو تیمی نینگ نظارتچی لرینی غیابیده آوازلرنینگ قیته سنه ش جریانی نی یکونلنتیرگن.
بیراق، بلخ ولایتیده سیلاو کمیسیونی نینگ ولایتی دفتری باشلیغی محمدایوب بیانی، برقرارلیک و یقینلیک سیلاو تیم اعضالری نینگ ادعالرینی رد قیلیب ایتیشیچه، آوازلرنی قیته سنه ش جریانی مذکور تیم نظارتچی لرینی حضوریده باشلنگن.
شونینگدیک، باشقه ولایت‌لرده آوازلرنینگ قیته سنه ش جریانی برهم اوریلگن.
کاپیسا ولایتیده سیلاو کمیسیونی نینگ ولایتی دفتری باشلیغی بسم‌الله مهدی نینگ سلام‌وطندارگه ایتیشیچه، سیلاو کمیسیونی مرکزی دفتری نینگ مسؤوللری، آوازلر قیته سنه‌لیشی باشله‌نیشی توغریسیده بویروغ بیرگن، لیکن برقرارلیک و یقینلیک سیلاو تیمی بو جریان گه توسیق بولگن.
فاریاب ولایتیده هم برقرارلیک و یقینلیک سیلاو تیمی نینگ طرفدارلری، سیلاو کمیسیونی نینگ ولایتی دفترینی باغلشگن.
فاریاب ولایتیده برقرارلیک و یقینلیک سیلاو تیمی نینگ ییریک اعضاسی احسان‌الله قووانچ نینگ ایتیشیچه، حاضرگچه ایکی مرته سیلاو کمیسیونی نینگ ولایتی دفترینی باغلشگن، بیراق سیلاو کمیسیونی اولرنینگ ایستک‌لریگه هیچ دقت قیلمه‌گن.
برقرارلیک و یقینلیک سیلاو تیمی نینگ طرفدارلری جوزجان، سرپل، سمنگان، بغلان و غور ولایت‌لریده هم سیلاو کمیسیونی نینگ ولایتی دفترلرینی برابریده تحصن خیمه قوریشگن.
اولرنینگ آگاه لنتیریشیچه، بایومتریک سیز آوازلرنی تقدیری بیللی بولگونگه‌قدر، ناراضیلیک‌دن قول تارتمه‌یدیلر.
سیلاو ایرکین کمیسیونی آوازلرنینگ قیته سنه‌ش جریانی باشله‌نیشی توغریسیده قرار قیلگنیدن سونگ، جمهورلیک ریاست سیلاوی نینگ نامزدلر کینگشی هم سیلاو ایرکین کمیسیونی نینگ بو قراری گه قرشی لیک بیلدیرگن.
