افغانستان‌نی برق قوتی بیلن تامین‌لاوچی برشنا شرکتی‌نینگ مسؤول‌لری، زوران‌لر و برق پولی‌نی تولمه‌گن اداره‌لرنینگ برق جریانی کیسیلیشی باشله‌نیشی بیلن قرضدارلردن 30 میلیون افغانی قول‌گه کیریتگن‌لیکلرینی ایتگن‌لر.
زوروانلر همده برق پولی‌نی تولمه‌گن اداره‌لرنینگ برق جریانی مذکور اداره رسمیلریدن تامانیدن عاموی اخبارات واسطه‌لری حضوریده پولیس همکارلیگی بیلن باشلگن ایدی.
برشنا شرکتی تجاری اورین باسری صفی الله احمدزی‌نینگ کابل‌ده ایتیشیچه، قرضدارلرنی برقی‌نی کیسیش ایجابی نتیجه بیرگن. نیچه ییل‌دن بیری اوز قرض‌لرینی تولمه‌گن زوروانلر همده ایریم اداره‌لردن پول قول‌گه کیریتیش‌گه موفق بولگن‌لر.
مذکور شخص‌لر همده اداره‌لر برق‌لری کیسیلیش بیلن زوردن فایده‌له‌نیب برقلرینی قیته‌دن باغلش‌لری تصور ایتیلردی، اما برشنا شرکتی‌نینگ رسمیلری موضوع عاموی اخبارات واسطه‌لری بیلن جریانگه قوییلگنی سبب زوردن فایده‌له‌نیش‌گه حرکت قیله آلمه‌گن‌لر دیگن‌لر.
احمدزی، برق پولی نی تولمیدیگن اداره‌لر و زوروانلر عدلی وقضایی اداره‌لرگه تانیشتیریلیشی بیلدیرگن. جناب احمدزیگه کوره، هر دور برق حسابی اوقیله‌دیگن دورده بو شخص‌لرنینگ سانی 25 مینگ‌گه ییته‌دی.
شونینگ‌دیک برشنا شرکتی‌نینگ اورین باسریگه کوره، اوشبو لایحه برچه قرضدارلر قرضی‌نی تولمه‌گونگه قدر دوام ایتیشی‌نی بیلدیرگن‌لر.
