د بدخشان واخان او زېباک ولسوالیو اوسېدونکیو پر څارویو د واورینو پړانګانو د بریدونو له زیاتېدو او ډېرو څارویو له منځه تللو سره د بدخشان ځايي مسوولانو د ورته پېښو د تکرار د مخنیوي لهپاره د هڅو خبر ورکړیدی.
د بدخشان سکتوري خدمتونو رییس اسامهبصیر وايي چې ځايي ادارې د واورینو پړانګانو له ګواښونو د خلکو څارویو د ساتلو لهپاره د واخان ملي پارک په ۵ کلن پروګرام کې د خوندي ځایونو جوړول شامل کړيدي.
ده د دې څړځایونو د جوړېدو په اړه وویل چې په ۲۰۱۸ کال کې د (WCS) یا د څارویو ساتنې خوندیتوب موسسې له UNDP څخه د یو څه بودیجې په واخیستلو سره وپتېیله چې د د څارویو لهپاره د خوندي سترو غوجلو یا څړځایونه جوړ کړي. د بصیر په وینا، پهدې پروژه کې ۱۲ خوندي سترې غوجلې یا څړځایونه شامل دي چې هره یوه يې د ژمي په موسم کې د۵۰۰ څارویو ساتنې ظرفیت لري.
د بدخشان ولایتي شورا غړی طلبالدین قادري د دې سترو غوجلو جوړول اغېزمن نه بولي، وايي چې په تېرو کلونو کې د څارویو خوندیتوب ادارې ورته ځایونه جوړ کړيوو؛ خو ښې پایلې يې ورنهکړې.
دی وایي، خلک به د واورینو پړانګانو د زیان په صورت کې هغو ته زیان نه رسوي؛ خو حکومت باید د هغوی د څارویو ۲۰ نه تر ۴۰ سلنو پورې زیان ورکړي.
په وروستیو کې بدخشان کې یو واورین پړانګ ووژل شو چې په ټولنیزو شبکو کې يې غبرګونونه راوپارول؛ خو د سیمې اوسېدونکي وايي چې د خپلو څارویو ژغورلو لهپاره اړ دي چې واورین پړانګان ووژني.
د بدخشان د چاپېړیال ساتنې ادارې مسوولان وايي چې واورین پړانګان کمپيداکېدونکي ځناورو دي او حکومت یې ښکار منع کړیدی.
