بدخشان ولایتی بوییچه مخدره ماده‌لرگه قرشی کوره‌ش اداره مسووللری، اوشبو ولایتده اوتگن ییلده قره‌گنده کوکنار ایکینی 15% کمه‌یگن.
اولرنینگ کوپه‌یتیریشیچه، کوکنار ایکینی‌گه قرشی محل حکومت نینگ کوره‌شیشی، چیت‌ایللیک مملکت‌لرده تریاک بهاسی نینگ کمه‌یگنی و ایکینچی‌لرگه حاصل بیره‌دیگن ایکینچیلیک تخم‍لرنینگ ترقه‌تیلیشی کوکنار ایکینی‌نینگ کمه‌یگنی‌گه سبب بولگن.
بدخشان ولایتی بوییچه مخدره ماده‌لرگه قرشی کوره‌ش اداره باشلیغی محمدقاید افندی نینگ سلام‌وطندارگه ایتیشیچه، اوتگن ییلده 6 مینگ هکتار ییرده کوکنار ایکیلگن ایدی، بیراق جاری ییلده بیرینچی آمارلرگه کوره، کوکنار ایکینی 15% کمه‌یگن.
جرم تومنی ایکینچی‌لریدن بیری نینگ ایتیشیچه، کوکنار اورنیده لوبیا، کچالو و باشقه سبزوات ایکه‌دی.
بدخشان پولیس قومندانلیگی نینگ مخدره ماده‌لرگه قرشی کوره‌ش مدیریتی اروین باسری نثاراحمد جهان‌گیرنینگ ایتیشیچه، اوتگن ییلده کوکنار ایکیلگن یوزلرچه جریب ییر و مخدره ماده‌لر ایشلب چیقاره‌دیگن ایشخانه‌لردن اونلرچه‌سی تخریب ایتیلیب و شونینگدیک، مخدره ماده‌لر قاچاقچی‌لریدن 70 ته‌سی قولگه آلینگن.
عین‌حالده، بدخشان ولایتی بوییچه مخدره ماده‌لرگه قرشی کوره‌ش اداره مسووللری نینگ ایتیشیچه، محلی ناقانونی قورالی کیشی‌لرنینگ مقاومتی باعث، اوشبو اداره اوتگن ییلده کوکنار ایکیلگن 6 مینگ هکتار ییردن یالغیز 1 مینگ هکتارینی تازه‌لگن.
شوتوغریده…
